هنا

[فقار الكرخي]

كَلي عيد الحب كَلت يعني وذا
كَال عيّد كَتله ماشفت الهِلال
كَال نفرح كَتله من يرجع اخوي
هوه زين. شويه بس عنده قتال
وامي صارلهه شهر تعتب عليهْ
ماشبعت مْن الحرب كافي تعال
مو تشائم. بس لِكُل حادث حديث
هوّه ياهو اليكره الحب والجمال
كَلي لازم نبتسم كَتله صحيح
لكن الواقع أصح من الخيال
رجع كَال نريد نفرح هذا عيد
انته متحب؟...كتله احب اسأل سؤال
يعني عيد الحب بعد ماكو انفجار؟
يعني ماتسبي العبي جفوف احتلال؟
يعني هسه تصافوا البالبرلمان؟
للمواطن شكلوا حزب الدلال؟
زين جرح سبايكر معقوله طاب؟
غير كّالوا بعده ينزف لايزال
الدوله متكفّله بتعيين الشباب
الفرغ جيبه شوكت جا يفرغله بال
بداعة الحب كَِلي اذا حانت صلاة
مايخاف؟ براحته يأذن بلال
أجه سيد كَال عمي الحب حرام
وأجه سيد كَال عمي الحب حلال
عمي ياحب فكلي عينك عالعراق
غلط غميضان فهموهه الجهال
نعلَم الاطفال بس حيّ الجميع
ولازم نبدله بورد دم الغزال





الرائع الشاعر محمد الفاطمي

[رسـيل_^]

رؤؤؤؤؤؤؤؤؤؤعه

[لمار البصراويه]

كلام غاااايه في الرووووعه .. شكرا اخي

[ليلا]

روووووووووووووووووووووووو ووووووووووووووووووووووووو ووووووووووووووووووووووووو ووووووعه عاشت ايدك

[سمراء من قوم عيسى]

[زينب الشامي]

ررووووعه
تقييم مستحق

[فقار الكرخي]

نورتوني

[اٌنأقْهٌ رُجِلِ أسُمرً]

شوكرا ع موضوع !

[حہيہدر الہبغہداديہ]

رائعه هي الكلمات المميزة الممزوجه بطابع الحزن
حروف امتزجت بداخلها لوعة الفراق وهو من اصعب المواقف في الحياة
لكلماتك ذائقه مميزة وطعم خاص بعذوبة اللسان
سلمت الانامل الذهبيه ع الاختيار الراقي

[فقار الكرخي]

نورتو الموضوع