امعزب و خوش ابن اوادم
انا من كد ما نظيف
اغسل الماي و اشربه
و حيل يعجبني الرصيف
امعزب و خوش ابن اوادم
ما طرد من داره ضيف
الشافوني قذر بيهم قصور
الشيب ثوب ايزين ابنادم عفيف
ما صبغت بلوني اﻻول
و ما مشيت بغير دربي
مستقيم و ماخذه ﻻخر خريف
اليسد خشمه من يفوت يمي
ما ﻻحظ البيه ريحة علي
ما يعرف بـذوقه شكد سخيف
و ما يهمني
كلمن استنكر وجودي
و صنفني عبء اعله دنيا
رخصتني و لمعت وجهه الشريف
اليوم لو باجر و انا اروح
و من اروح
بجوفي ما بايت رغيف
و من اموت الارث مالي ورد
و ثيابي حصتهه الحرك
تنشمر باقرب قمامه و ينتهي الحلم الضعيف
احتار يالثكلت موازينك
يالشفتني اثكل من قصورك
من بناياتك
من رصيدك من اسمك اليدوي و مخيف
انا فارغ بالقيامه
من اسير يم الهي يكلي اهﻵ
يدري بيه شكد خفيف
م
رد مع اقتباس