هنا

[أنثى حائرة]

السﻻم عليكم
مااعرف شلون ابدي بحالتي لكن احاول اشرحها حتى اتساعدوني
اني موظفة بفﻻن وزارة حبيت شخص وحبني وكان حبنة نظيف وطاهر وحبنة وصل ﻻبعد الحدود وكان عندي صديقة تعرفنة اثنينة مرت اﻻيام وكانت صديقتي دائما تحجي على تصرفات هذا الشخص معي واتكول اشكد ايحبك ويهتم بيج واني على نيتي كنت احجيلها على كلشي ﻻن كانت اقرب بنت الي
مع مرور اﻻيام حسيت اختﻻف بعﻻقتنا وايضا كانت صديقتي يختلف تصرفاتها وياية ... وبعدين اكتشفت الولد كام يتقرب لصديقتي بحجة الصداقة فقط لكن للاسف اكتشفت ان صديقتي بدت اتقربة الها وتزرع الحقد ابداخلة اتجاهي وحتى اخر شي كاللها روحي كولي لصديقتج خلي اتعوفني مااريدها اني انصدمت من سمعت هالشي وبعد ايام صرت اشوفهم دائما سوى وحتى صار حب بينهم ودائما يتقصدون ايشوفون حبهم الي .....
راح اتخبل ادمرت ونفسيتي تعبت يعني الشخص الي احبة خاني وصديقتي هم والمشكلة همة دائما كدامي بالدوام شلون اطلع من هاي الحالة تعبت والله العظيم مداصدك الي صار صديقتي الوحيدة هيج سوت بية

اعرف طولت بالكﻻم بس محتاجة مساعدتكم ﻻن احس داموت وماظل عندي امل بالحياة

[princess amona]

حياتي لازم تتقبلين هذا الشي
وهذا اكيد بي خير الج
والله سبحانة وتعالى كاعد يبين الج شنو هذولة الناس
والحمد لله عرفتيهم هسة احسن من بعدين
بسم الله الرحمن الرحيم(وعسى ان تكرهو شيئا وهو خير لكم)صدق الله العظيم
وحياتي هاي الخيانة صارت شغلة عادية بمجتعمنة كلهم يخونون وماكو اوفياء بس القليل
وشسوي بس كولي الحمد لله واتوكلي ع ربج وهو يسهلهة الج ان شاء الله
وكوني عادية كدامهم ولا عبالك دشوفيهم
وان شاء الله يحبج الي يستاهلج وتكونين سعيدة وياة
وان شاء الله كدرت اساعدج
ودي

[3laa]

تركيهم لله اهوى إيجازي
و أن شاء الله ايجازيج بأحسن منه
الله كريم

[الملاذ الاخير]

مثل ماتفضلوا الاخوة امونة وعلاء
الحمد لله والشكر عرفيه على حقيقتة وعرفتي صاحبتج ... احنة صرنة بزمن الاخو مايعرف اخوا
انشاء الله يتقدملج الافضل منة

[حـــلاة الـــروح]

الله ايعينج حبيبتي
لازم اتصبرين واتحاولين متفكرين بيهم ولااتبينين نفسج انت مهتمة لامرهم
شوف الله شلون راح ايعوضج بأحسن منة
هذا خائن والله خلصج منة
اما صديقتج مااعتقد كانت تعتبرج صديقة كانت غيورة من علاقتكم لذلك سحبتة الها
شوفي عزيزتي راح اتسمعين خبرهم مجرد نزوة ولعب بينهم
كوني صبورة واحمدي الله لان خلصج

[سعد العراقي راقي*]

مااعتقد هيج شخص يستحق حتى التفكير بحبه
ولا اعتقد ايضا ان هكذا صديقه تستحق هذه الصداقه
وماعليك سوى ان تكتبين على ورقه بيضاء عبارة (تجربه فاشله) وترمين بها في سلة النفايات
وتكملين حياتك بشكل طبيعي

[الحالمة]

صدكي مدام انبنت وية صديقتج على الخيانة
هم الله راح ايشوفها ومتتهنة بيه
وانت حقج من تحجين ونفسيتج مدمرة بس حاولي اطلعين من هاية الازمة ولتبينين ضعفج كدامهم
خليج دائما قوية وان شاء الله ربج ايعوضج بالاحسن لان انت على نيتج وعلى حب الله بس هو
نيته غدر وحمدي الله انو هسة بين ولا من تزوجون جان صارت اصعب الامور
اهم شي تدعين من ربج انو ايبرد كلبج ويخفف عنج لان ماكو احسن من رب العالمين
وربي ايصبر كلبج ويريحة ان شاء الله

[رجل كل العصور]

عندما كنتى تتكلمين امام صديقتك وبكل براءه عن كل مايدور بينكما
من اهتمام وحب.. استطاعت ان تكدر بعقلها النسائى الواسع,,, جميع مرتكزات
تفكير الشخص الذى يحبك
ماذا يحب وماذا يكرهة وماذا يخفى وماهو الذى لم يصرح به
استطاعت ان تقراءه بكل ذكاء...
هو يلعب على الحبال.. وصاحب امتياز عاطفى بالاستغلال
هو غيوره ولعوب,, وتعرف كيف تصطاد الفرائس

صديقك لايستحق ان تمنحيه الحب رغم المواصفات التى اطلقتيها عليه
تلك المواصفات فى ذهنك وبالك وعقلك وقلبك فقط
اما قلبه فلا والف لا...
انتى بريئه وعلى نياتك
وهو خائن

رغم مراره التجربه
الا ان صفاءك ونقاءك اروع من سواد
نوايا صديقك وصديقتك


مودتى

[Jawad980]

الحقيقة رد " رجل كل العصور " يغني عن الكلام

وأنا أوءيد كلامه بشدة .. وشكراً له لثقافته العالية .

وبالنسبة لكِ .. إياك أن تبدي الحزن والندم !

لا ابداً أظهري بقوة .. وصلابة وتفائل

ولا تندمي على مجوهرات مغشوشة فقدت منك قيمتها تافهه .

تحياتي لك .. كوني قوية .. فأنت .. حواء .

[شيفرة دافنشي]

هو حقير. .. و هي حقيرة. .. بمعنى الكلمة. .. يجب أن تشكري الله أنك تخلصت منهما. .. لو كنت محلك لاستمتعت بهذا الثنائي ضحكاً واستخفافا. .. لك طريق مختلف عنهما. . واصليه واستمري في حياتك بطمأنينة خالصة