اعزائي الدرر ..
هاي القصيدة كتبتهه سنة 1997 و ما شافت النور لليوم
واليوم حبيت انشرهه بلكي تشوف النور
دارت بيج دنياتج ...
ودارت عن رسوم العين .. غنى وضحكات ليليه
دارت بيج ونسيتي..
جلمة ود اصيحج بيهه يوميه
دارت بيج .. دارت بيج
ورسيتي بجرف شاطيه....
*************
مو انتي الامس تحجين ..
لو تلتم عليه الناس.. ما الهج بطاريه
مو انتي الامس تحجين..
لو حر وسموم وكَيض .. ما اكَعد حدر فيه
مو انتي الامس تحجين ..
لو اعطش عطش تموز .. وهو للماي ساجيه
ما اشرب والذ بالماي.. لا والله
واطم روحي حدر ميه
وعد عرقوب وعدج صار ..
وزدتي اعلي خمس ميه
*************
هذيج ارسوم كَعدتنه ..
على الحيطان كتبنه احروف وردية
وتداهرنه اعلى كبر الليل
شلون .. و .. ليش
وبيك الصوج مو بيه
************
وجنه انسولف ابسكته ..
اخاف الناس تسمعنه .. وتبوكَ احلامنه الخرسه
وجنت احجي بشعر ( عريان ) ..
اعز من روحي اعزك .. وابد ما انسه
وتعزفين بنغم حيران. .
اخذني وياك .. اخذني وياك
سفينه وتيهت مرسه
*********
راح الحجي ..
وراح الليل ..
وضل الشعر بس ونسه
رد مع اقتباس
