رائد ابو فتيان ............
ضحكتني رايد تبين حنين ،
والله ميلوكَنلك السويتهن
جروحي عرفن ذبة ايدك ياحنان ؟
البي تسولف وانت امس دميتهن
رماح بيدك كَتلك اعله اعداك صول
ورحت وبظهري ترس حطيتهن
وخاف اجرحك بالحجي وانه ادري زين
كلشي ما خلولي بالحبيتهن
عفتك ، روحك ، لهفتك ، والحنان
الناس غربه بلا عرس زفيتهن
احساسي مايجذب لان راضي بمضيف
الجنت حارسهن الغيري انطيتهن
حبي زلمه بيت واحساسك بنات
وخسرن بفركَاي سمعه بيتهن
جنت يمك مبدأي لتظن غشيم
لولا تربات امي جان غزيتهن !
الايده تنمد لو يجدي لو يبوكَ
لهذا ايديه اعليك مامديتهن !!
ولا انته الحسيت لا انه الشكيت
ومن شفت صفناتي ما واسيتهن
والله من يوميتي عازل حتى اجيب
الهدايا المن رحت ذبيتهن
وكرهتني بالهدايا من دريت
الصاحبك نفس الهدايا انطيتهن
كَلت اكَص ايدي اذا بيه يخون
يوم كَالو ينكر السويتهن ..
وهل صرت جذاب خلف الله عليك
خنت وانه جفوف ايدي خليتهن !
كَمت ألاكَيهم واضم ايدي وافوت
الفشله توجع صوجي ماكَصيتهن
بكَد نشد تايه ينشدوني عليك
وانت نوكَك عالهجر حثيتهن
وظلت شفافي بطركَ ال الله كريم !
وحتى طعناتك امس تانيتهن
بفضلك أطباعي لعب بيهه الزمان
الجنت اذمّنهن كَبل سويتهن
الوحده ، والوحشه ، يُمرّن بالغريب
وآنه ذني ويه الربع حسيتهن
جنت اطيح اني ولا دمعي يطيح
عيوني بس لـ "أهل النجف" بجيتهن
وهسه كَبل اسمك دموعي تفز بحيث ،
يطيحن بطاريك لو بديتهن
ليش راجع والنفس هستوه راح ؟
وبيدي شمعات العمر طفيتهن ..!
رد مع اقتباس
جزيل الشكر لحظرتك