رائد ابو فتيان .. ردت ضحكتي 2012
ردت ضحكتي وطك بالصفار الوان
وبده يمر الورد بشفايفي الزركة
خيل من الله قلت نسبة الدخان
وبدت نسمة نظيفة تمر على الشهكة
گبل جيتك عشتها مكابل اعله النار
مثل العنده غيره وما اخذ حگه
انهجم بيت الگلب ما باجي عالميتين
وعلى ابسط ذكره منك يبجي وبحركة
الارض ما تشتكي لو نجم بيها يطيح
بس توجعها كلش طيحت الوركة
السافر والغرگ بالخنگة جنهم توم
وانا ثنيناتهن اغروب اجه بخنگة
ومن اخر نفس والله اصرفت ثلثين
انا بشحة هوى واتنفس بملكة
اعله ضيم اجفاك والهم والسهر والليل
وسواجي دموع عيني و گلبي بالخفكة
لو يطلع نبي وشايل بديه قران
اول ما يحرم كثرة الفركة
ولو جابك زمانك واني طيب ذاك
بگلب سامح عدوه يا حقد تلكه
من باب العشاير راح افضها وياك
وعيونك شيوخ وراية متعلكة
اعيوني الطايحة يطيحن حدر الفراش
وفده يدك الگلب من بابنا ادكه
وشك وكثر ضني ودوخت الشمات
هذن كلهن فصلهن ينتهي بشبكة
شرط من انشبك كون الخسارة ضلوع
تشك اذن الشماتة ضلوعي بالطكه
كلهم مثلو لمن نويت تروح
واحدهم وكع من الحزن خركة
وضحك حد البجي من شافني بلياك
الگبل ما تبتعد بس ثوبة ما شكة
ولان صايم عشك كدامي شربو شوك
وردت افطر بواحد مو وفي بعشكه
انا خيول الحنين بصدري من تهيج
تذب الفوكهه وبجدامها تسحكه
مو خمرة التردني اتمايل اعله البيت
ما تدري شثگلها الروس المندكة
طبعا ما يفوت براسك الاحجيه
اني الشايفه ومرات ماصدكه
رد مع اقتباس