شوفه شلون نايم عالارض مرتاح
ومأمن لان ماظالم أحد
ومونفسه رخيصة وغرته الهوسات
وعلى مال الحرام ابطبعه متعود
ولأن روحه نظيفه وربت عالطيبات
مابيها دغش ماتطمع بأزيد
عايش عالبساطه ويحس بالجوعان
نذر عمره وحياته وسيرته التشهد
شوفوا الميز ماله والاثاث وياه
تعالوا يالعمايم شوفوا المشهد
ملك كل العراق وبيده شميريد
بس ماملك بيت باسمه بيه يقعد
مايركب امصفح لاحمايه وياه
من يطلع مشي وللشعب يتفقد
ابخطاباته يصييح انا ابن الناس
انه ابن الفقير الصبره مامش حد
أخيته بت ابوه اتعنته من الضيج
اجت تستعطي من العوز تتودد
شلون انطيج بيت الناس بالأيجار
على مال الشعب لاايدي ماتنمد
من حيدر تعلم من أجاه ابليل
عقيل ايريداعانه وحالته تشهد
قربله حديده وشعل بيها النار
ضج منها عقيل وقام يتشهد
جان وين العمايم تحجي باسم الدين
جوعانه اجتنه وقامت اتفرهد
اغتصبت قصور وتاجرت بأملاك
وأموال السحت ببنوك تترصد
باعت دينها ودنياها للدولار
ونايم هالشعب مدري شوكت يكعد
_______________ماتخسر شي اذا تقرأ له الفاتحه
رد مع اقتباس
المشاركة الأصلية كتبت بواسطة أوراق شاعر
