هنا

[فقار الكرخي]

اليله اول ليله انام بلايه خل
يساعد الله الفاگد لخله وينام
بالحلم شفت الغصن شايله سيف
والشجر خانگ نفس صدر الحمام
روحي فزت خايفه ومليانه نوح
اليفارگ ما لگه بنومه السلام
ردت اعاتب والعتب جلماته اه
بس البگلبه جرح يفهم كلام
اليمي يدري ارويحته بواهس گصير
لا يحط بگلبي ونطيله اهتمام
هيه الحجاره شتحس لمن تطيح
بگلب اليسولف ضوه ودلاله جام
جان گتلي وحاسب لباجر تروح
حته اناخي لفرگتك شباج امام
گبلك الصفنه اذا اشهگ تروح
هسه بيه الصفنه تتعنالي عام
احساسي عاگر شوفته وشمة هواه
خايف يشمك ودنگ منه هام
وانه ادري ابالك شگاعد يعيش
اليگعد ابالك علي.. سولفله گام
ذاك سهمك بالعشگ غطيته ليل
بالشمس بين الك مكسوره ضام
الماله شغله بجرحي يتسنط شگول
فوگ راسي مناطر بجنحانه حام
ماي عيني بخنگتك يوگع سبيل
وانته گطره تسولف لهجراني لام

[علي الشمري]

حلوووووو
عاشت الايادي

هيه الحجاره شتحس لمن تطيح
بگلب اليسولف ضوه ودلاله جام

[غضب الليل]

شكرا لك كلام جميل
رووووعه

[سمراء من قوم عيسى]

حلووو
عاشت الايادي

[فقار الكرخي]

منورين