مليان گلبي بچي
أبفرگاك أكل الحطب
تاكلني نيراني
مره أنطفي ومره أوّج
ولجيتك أمتاني
مشبوحه وأمعلگه
عيني أعله بيباني
لاخبر منك لفه
ولاطارش الجاني
مليان گلبي بچي
وبعيوني كومة حچي
عندك أريد أشتكي
وماطاوع لساني
دنشد على حالتي
وشغير ألواني
باليل أفرش هظم
وأتغطه بحزاني
أمتلك بس النفس
أذيته وذآني
أهدوم العلي مو إلي
وبگصتي نيشاني
بيتي صريفة گصب
مايخفه عنواني
متروسه ومسچچه
قاصات ولياني
حيطانهم من ذهب
ومن طين حيطاني ،
رد مع اقتباس
