هنا

[فقار الكرخي]

يوووليدي
من اشوفك صافن بكاروك..
احس تريد تسالني
شجنيت وخالني مكمط
وتجرني من ايدي صفناتي
تجرني الوكت بي اجنازتك تنخط
وحيد ولابوك وياك
ولا امك عبايه اعله الدرب تفحط
انه تمنيت لو وياك
((بس شبيدي يوووليدي ))
گبل اسنين دافني ورجعت تجر مواويلك
شلت جنازتك بالبال
اول ماشفتني وردت اناغيلك
هيه الدنيا شيل وشيل
التشيله طفل ،، بعدين جثته لكبرك يشيلك
((انه تمنين لو وياك ))
ابوك تراب يوليدي واخذها وياه للجانت تلوليلك
اذكر من تواعدنه وي اخر لحظه من الموت
ماكتلك وداع الله يتالي صباي
بس عيوني توميلك
من شفتك تجر اجنازتي ومكسور
انه تمنيت حاجي وياك
انه بتابوت شلت جفوفي وادعيتلك
بس مدفون شحجيلك




الانسان ادهم عادل

[princess amona]

رؤؤعة
سلمت يداك

[علي الشمري]

مؤلمه
عاشت ايدك

[فقار الكرخي]

نورتو

[قلب الفهد]

يااااا محمد ... شي يعصر القلب عصر
روووووووووعه ....

[قلب الفهد]

((زينب )) محمد وجيه

امج وانة بيوم الدفنة استذكرنة بيوم الجبناج
وبعدج ما صرتي وكيفنة وجبنة هدوم وسميناج
وابو زينب كام يصيحولي و ودعت الدمعة بملكاج
ورحنة تشكرنة من الكاظم وحتى يحفظج زورناج
وكبرت بية الفرحة وزادت من شفتج توج تمشين
ويفزعلج كلبي يتجيلج لو شافج ردتي تطيحين
تكبرين اكبالي وانة اصغر وأتونس من تلعبين
وضحكاتي تنكعن بدموعي من شفتج كمتي تكبرين
وردت اسمع صوتج بأي كلمة ومتاني شفافج تحجين
لاموت وما سامع بابا ومتحضر اسمعهه من اسنين
كاروكج يتمنى يشوفج كد ما بحضانة تنامين
تغار امج من عندج كامت كد ما ويياي تلعبين
وجانت بجري البيهه اتباهه لو شامت من يمي اتعده
لاكن لو رادت تدلل رأسن تصبح بزر الكعدة
تصحى من النوم وما يصحة ومن تكوم تبوسة بخدة
بضحكات تريك شفتهه تفتح جانت مثل الوردة
وكبرت زينب حد ما كامت تلعب وي بت الجيران
يلعبن ختيلة العصرية وبيت بيوت وركيضاااااان
وياخذهه الواهس تتأخر وتضل عيني ع البيبان
وكد ما فرحتنة بدنيانة نستنة نجيبلهه خوان
جنة ثنين وصرنة تلاثة وما حسبنة نصير ثنين
احتار من اشريلج لعبة متعجبج خاف تزعلين
هسه بكيفج وانتي اختاري وين يعجبج تندفنين
ياربي شافت بالدنيه صغيرة بعمر الخمس سنين
تتربة بعزك كالولي وفرحتلي الوادم وبلهفة
وردو واسوني بشد حيلك والشامت كاعد يشفة
ماجنة محسبين ندفنج جنة نفكرلج ب الزفة
ولو ادري بموتج مستعجل لا ادعي ولاريد الخلفة

[فقار الكرخي]

منورين يالغوالي