ياورد أنقطع بجفوف عزرائيل
شنو مزعل النحل فهمني ليش تموت
اليدفنك بالحقيقة المفترض فلاح
بذن أمك يزرعك وأنت خضر صوت
آني حتى من أرد أكمطك جنت أخاف
وبالي يسرح وأيدي أشدنها بديك
يمة رايح للكبر وحدك شجاك
غير تاخذني يظل بالي عليك
هناك أعيش البرزخ وللدود أكول
هذا لحمي تفضلن وأذكر حجيك
كتلي يمه شلون لو عفتيني يوم
و هسه منهو العافني وشرد أشتكيك
يايمة أشتاكيت أشتمك فدوه لعينك دك الباب
يايمة وداعت كاروكك خلنة بعوز ولا بغياب
العوز مكبرك يا يمة ما أذكر حبيت العاب
جانت لعباتك ختيلة بنص قلبي المتروس تراب
كتلي تجيب الداسوا كاعك ماكتلي بتابوت أنجاب
وكتلي أتزوج لمن أرجع كافي العوز يصير أسباب
و نعزم حتى الي يكرهنه ما نعزم بس الأحباب
يلواعدني تفصل ثوبي حتى يشوفونه الأصحاب
فصل جيتك وسط قليبي ما أريد تفصلي ثياب
رد مع اقتباس
المشاركة الأصلية كتبت بواسطة أوراق شاعر
