ما يحتاج اعرفك انت تعرف زين
تعرف كلشي بية واعرف شبيك
وما يحتاج اكلك اني احبك ليش
تدريني وي روحي اني اغار عليك
صرت انت السفينة واني سفان
وغيري اعلى الجرف ياهو اليرسيك
غيرك ما اريد ولا احبن غيـــــــر
وغيري اعلى الحزن ياهو اليواسيك
احبك خاف اكلك وتكلي جــــذاب
واقصرخاف اكلك ما اوفيــــــك
سولفلي اعلى حالي واسال ارجوك
وسولفلي عليةشبيك ما بيـــــك
هم كلبك يحن من نفترك لحضات
وهم عذال الكلب لو ما يحن ليك
شعلت روحي شمع وبظلمة تالي الليل
واطفي شموعي كلهة وبس اضويك
خليتك دمع وبساعة الضيـــــج
ابجي دموعي كله وما ابجيــــك
اعطش من اشوفك وابتسم حيل
واظل عطشان مني واني ارويك
ما ارضة بزعل وماازعل وياك
وازعل الدنية كلهة وبس اراضيك
الشارع مو امان والناس كلهةحلوك
وادز روحي وي كلبي وعيني تحميك
من طبعي شرس وتخاف مني الناس
بس منك اخافن من الاكيـــــــك
رد مع اقتباس