انه الما الوح رمشي اولفي حد الشوف
النجوم اعله اليباوع كلش ابعيده
ايدي بطول لحضه وانت بعدك عام
والرايد ينوش يلوح حد ايده
لا تسمع كلام الي حجه بمگفاي
ما لاح العنب هل كال ما اريده
ساكن بالكلب محد سكن وياك
صبح مكسور كلبي ضماد ميفيده
ساكن جار ساكن ينكسر مسكون
لو بالصرف طلعت قاعده اجديده
كبرت اعله الفراگ وشيبت بجفاك
والشابن رموشه الصبخ ميعيده
اذا رايد تروح توكل الله ويااك
هاي دموع عيني برخص مبجيهه
ونه بطبعي كمر صح نختلف بشواي
اني لحالي اضوي الشمس معليهه
اذا اخزر جبل يلبد بسد الگاع
اضحك للتلا جبال اسويهه
من اسگي الورد لا ما ارشهه بماي
ارشهه احساس شاعر حتى ارويهه
بيه اهموم تكسر خاطر الليل
وما اكسر خواطر رايح اخفيهه
اذا تدري الشماته الجرح واصل وين
موش دموع حتى عيون ابجيهه
خجل لحديثه بيه وهي بت شيوخ
تطب ديوان ابوهه وعار جاسيهه
ونه امبجي الشمس ودموعهه من نجوم
من موعد غرامي تريد انطيهه
رد مع اقتباس
المشاركة الأصلية كتبت بواسطة أوراق شاعر
