عندي إحساس
..عندي إحساس
هاجس حرگه من عنده
بمواويل اليجرهن ياس..
عندي إحساس..
إذا هديته ع الشجرة
تفرفح من يجيهة الفاس..
عندي إحساس..
يشبه كل حزن مسجون
من قفلو عليه وراحو الحراس..
عندي إحساس..
إذا دورت عنه شلون؟
تلگاه ابوجوه الفقرة من الناس..
عندي إحساس..
شيخ إعگاله كاشخ بي
من يدخل مضيف الهيبة رفعة راس..
عندي إحساس..
يشبه حيل وجه أمي
الصبح لو شفته من ينباس..
عندي إحساس..
من يلمع تكول الله
لمعة غيرة هايه بگبة العباس..
عندي إحساس..
اذا وزعته ع الراحو بحرب إيران
اقسملك يطگ بيهم خضار أنفاس..
عندي إحساس..
يشبه جنح فراشات
تعرف بالفراش يموت من ينجاس..
عندي إحساس..
شايب ظل وحيد ابيت
صح مليان جيبه ابروحه تلگه إفﻻس.
عندي إحساس..
يحسدوني عليه اهواي
مو مغرور لكن صعب ما ينقاس..
م
رد مع اقتباس
