السلام عليكم
سوووووويت موقع جديد.. هو عبارة عن سوق مفتوح اي شخص يكدر يسجل بيه ويستعرض السلعة مالته او خدماته .او أي شي و يخليله صور و يضيفله تفاصيل وينشره .. بالضبط مثل موقع مريدي ..بس هذا اكثر وضوح من مريدي و اكثر احترافية اتصور و اسهل بالاستخدام بهواي وكذلك ملائم لمحركات البحث يعني اللي ينشر السلعة مالته راح تصير بكوكل رئسا
الموقع يستند على نظام (الوورد بريس) .. اشتغلت بيه هواي بحيث خصصته و رتبته خصوصا نظام التسجيل وكيفية إضافة الاعلان وكيفية ظهور الاعلان وعرض الصور .. كل فتفوتة بيه خلليت خشمي بيها .. و طبعا اكو مجال للتطوير ..بس تعبت هع
اللي يحب يشوف الموقع (اللي سميته سوق العراق الالكتروني) ..و إذا يريد يسجل بيه ويستغله من هسة .. يتفضل على هذا الرابط:
iraqsuq.com
الموقع معزول عن درر العراق ... بس اتمنى من الاعضاء انه يسجلون بيه ويملوه بالاعلانات (عن مواقع عن سلع عن سيارات عن محلات عن اي شي موجود بالتصنيفات) .. علمود ما يبين فارغ للناس .. لان اريد اسويله لافتة اعلانية بالمنتدى يتم عرضها للزوار .. .. و بالنهاية هو موقع مجاني تماما من الالف للياء وحتى اعلانات حاليا ما مخللي بيه .. و إذا اكو منه فائدة راح استخدمها لتطوير درر العراق اكثر
هذا الموضوع دعاية طبعا ..بس بما انه مدير المنتدى هو مدير الاعلانات كذلك يعني ماكو مشكلة هع . وكذلك ..محتاج مساعدتكم علمود ينهض و ما يروح تعبي بالبلاش .. .. بس يلكف الشرارة .. .. هو ينطلق وحده بعد
تحياتي
رد مع اقتباس
المشاركة الأصلية كتبت بواسطة Samer
