هنا

[الحالمة]

• لا بطانية لا دٌف ُ لا بيت
  
  
  
  لا بطانية لا دٌف ُ لا بيت
  
  حال أختكم العراقية أم البيت
  أبني عليل ٍ بالبرد بلا چاكيت
  على كتفي حملته وتخطيت
  مسافات ودموعي هليت
  بعد أخوتي اللي زفيت
  للوطن وراءهم ظليت
  وحيدة أنا وأيتامي ما تعشيت
  راح أبوهم وما خليت
  لا شريف ٍ ولا نذل ترچيت
  بس گولولي وين راح أبو البيت ؟؟؟
  لا بطانية لا دٌف ُ لا بيت
  
  عرفت حرب إيران وكويت
  شبابي وعمري أفنيت
  أحتركت مثل الشموعوأنطفيت
  أحضنت أبني و بچيت
  على أيام مضت وتذكريت
  شلون أتلــگه خطاري وبشيت
  بوجهم وأحلى أكل سويت
  ألف هلا ومرحبا ياللي جيت
  شرفتنا ونورت هذا البيت
  العين إلك غطى بيها تغطيت
  أيه ... سمعت صراخ أبني وفزيت
  اليوم بالخيام مشردة واللـگمه تمنيت
  لا بطانية لا دٌف ُ لا بيت
  أهل النخوة هذا حال أختكم أم البيت
  
  يارب بحالي إلك شكيت
  يا من له صمت و صليت
  شافي وليدي يا من لإيوبٍ شافيت
  باسمك ربي سميت
  ولعند جاهك تعنيت
  أدعو بلساني وبالقلم خطيت
  شكوتي على اللي هجموا البيت
  أريد أسال يرضى محمد وآل البيت ؟؟
  لو الصحابة لو الانبياء وكل ما حبيت ؟؟
  قتل وتهجير وظلم لأم البيت
  بس اريد أعرف يا من أفتيت
  شتكول باچر لله لو أنِعميت ؟
  
  وشهد لسانك وشما سويت ؟
  ظلمك للعراقيين الكرام أهل البيت
  دمرت البلد ومزقيت
  العائلة وشطريت
  الأخ عن اخوه وإفنيت
  أرواح بريئة صادريت
  بس أني بالكتاب إقريت
  ويل للظالمين وكلما جمعوا وجمعيت
  صحيح أني هسة بلا بطانيةولا بيت
  بس أني العراقية أذا حجيت
  ومن أهلي تعلميت
  كرم ونخوة وفوك الغدر تساميت
  الله كريم تنجلي وأعود للبيت
  لأن العراق بيتنا ونعم البيت
  لأن العراق بيتنا ونعم البيت
  ـــــــــــــــــــــــــ ـــــــ
  كتبت على وقع مشاهدتي للعراقية الكريمةالتي نزحت من بيتها ولا تملك سوى بطانية واحدة وسط هذا البرد القارص
  أهدي كلماتي لأهلنا النازحين الكرام ولدالكرام
  
  
  4 /2 / 2015 م
  مثنى عبيدة حسين
  
  
  منقول
  

[علي الشمري]

حلو عاشت الايادي
شكرا

[الحالمة]

مرورك الاحلى اخوية