لاتگلي شبيك... وتحچيني !
لاتگلي شبيك... وتحچيني !
ادري صبخه الگاع ماتسوه شتال..وطشرت عمري عله تراب السنين
وذبلت بصبخه التراب سنيني ،،
وادري صبخه الگاع
ما تسوه شتال
شلون اصدگ تثمر وتطيني،،
انه جربته بزمن (جانت نفاه)..
وبالجذب ماكال : صار بعيني
وادري طبعا..
" ظهري نيشان الخناجر"...
من اكوم
وذاك من ذاك الصدك يحميني
وادري يوسف بالغدر،،ماباگه ذيب
شلون اصدگ؟
لا...
حشاه الذيب
مسكينه الذياب
:
ولا تگلي شلون وتبچيني
ادري صحبة بير...علمني ابوي
بهاي مامعتاز وتوصيني
هيه گوه الذيب يشرب دم اخوه ؟
شلون اصدگ؟؟ وانه ضيم البير شفته بعيني
انه مااعتب على الماصخ حليب..هذا خارج قوس مايعنيني
اعتب على الحوبه ! شو صارت خراب !
اشگد ..تحملت وكلت الله كريم ؟!
ايه,,, عود اشور بيه من يذيني
اسمي للتايه ،، علم عالي ودليل ..شلون اقبل تايه ايدليني !
علمت روحي ..مثل ماچان ابوي
ومااتعبك حته لو ترميني
لان واضح ...عالي من علو النهار
اشماتنيشن
بيه ما تخطيني !
رد مع اقتباس
