دارميات عراقية 2015 ، دارميات ، دارميات عتاب عراقية ، اجمل الدارميات العراقية ،دارميات رومانسية عراقية ، دارميات عتاب عراقية ، دارميات حب عراقية
فركاكم سهم مضرب بالكلب نابت
راسلني يا المحبوب ولا تضل ساكت
ارد انخى هالنسوان خية ابجن ابجن
مرة اعلى ولفي الراح مرة اعلى هلجن
ما ظل كتر بالروح ما بيه جرح حار
حتى الجرح مجروح جرح بجرح صار
بالك تهاب الموت دوس الثنيه
هم شفت واحد مات گبل المنيه
شدالدهر وياي اول شبابي
كل مااكول يهون يكثر عذابي
اهلا وسهلا بيك نورت داري
من شفت وجهك طل انطفت ناري
ثلثين الك بالگلب والك بالثلث ثلثين
باقيلي ثلث الثلث هم الك بيه ثلثين
اليون تالي الليل لا بد عله اسباب
لو دهر موچر بيه لو ذاچر أحباب
مخلص تظل للدوم هذا أنت طبعك
وغصبن عللى الحساد أنت احلى ربعك
نمطر محبة وشوگ صدگوني ألكم
ومندز رسالة بليل لو مانحبكم
مو تاجر انه احزان تاجر محبة
والگلب لو ينساك والكعبة أذبه
کون الگلب بی باب وانتو اقفاله
واجعلکم اعله الباب واگعد اگباله
اتمنه لو بالطیف هم تمر بیه
نتشابگ انه و یاک ونفز سویه
الكلب لوينساك للسوك اجيبة
واكتب عليه للبيع خاين حبيبة
أنهجم بيته الليل هاطوله بجفاك
وبطول أظفري أيصير من أكعد وياك
وسفة على هاي الناس وعلى الاخوة
ليش التريدة الروح ينساهه كوة
ماناسي والينساك ماعنده خوة
بس الوكت مرات يلهينه كوة
ادري الوكت مرات يلهينه كلنا
اقسملك واحنه متغربين ماننسه اهلنا
نمطر محبة وشوك وطيبة ومحنة
و عز وكرم واحسان جي طبع اهلنة
باقي ويالبذات والماله جاره
صدكوني جاجنيت لوما الجكاره
ياوكت خله الذيب يشاور ارانب
واصبح عراقي اليوم يحكمونه اجانب
أمسح جرح سيال ينزف الثاني
تقبل تضل فرحان وابقة أنة أعاني
شعر وقصايد بيك صرت أكتب أني
متكللي هم الفراك من وين أجاني
جك جك تطيح الناس بس آنه طباه
اسم الله محد كال كالولي وجعاه
من عيني اطلع الماي واكتب على الروح
اجمل بطاقة عيد لعيونك تروح
هم قصف هم قناص هم شهر حاسم
جا وين اودي هواي من نهر جاسم
اسال علیکم دوم کل فکری یمکم
هذا الزمن غدار باعدنی عنکم
حلوة وعليهة اعيون مثل الغزالة
والشعر لون الليل والخد هلالة
من كثر تعب الروح ما تگدر اتصيح
شايلهة بيدي اشيول بس اغفل اتطيح
جتفت روحي جتاف كل ظني تنساك
من روحي طلعت روح كالتلك أهواك
للجنة اهدي الروح ولكل الاعضاء
واهدي عبير الشوق للحلوة اسماء
ما انسى اني اهواى لوطلقة بالراس
جوة القبر ذكراه تنطيني انفاس
لعيونج الحلوات ارسل بريدي
ولشوفتج اسماء اكطع وريدي
لو عددت العزاز لاترفع ايدك
هيه المعزه اتكوم وتكول اريدك
ياخوية شنهو الصار وشنهي القضية
ليش من ادك عليك مترد علية
يالتسأل على عبيد ماكو بحلاته
من كد جمال عبيد ضاعت صفاته
ريت الله لا ينطيك يالصحت بسمة
فز فزت العصفور كلبي شيلزمة
بكلبي ماناسيك وبفكري كل ساع
وروحي اذا تنساك اركعها بل كاع
صابر اضل للموت بس كون اشوفك
تدري انت كلش زين مابية اعوفك
صرت إنت وبدنياي صرت إنت كلشي
والدنيا وبلياك ما تسوى كلشي
ما نمت طول اليل حلف المخدة
الدمع صاير سيل للركبة حدة
هاك اخذ كلبي وياك حطه على صدرك
خاف الفراك يطول هو اليذكرك
أنسه المضه والراح ماريد أشوفك
حجيك جذب ياحيف أنه أرد أعوفك
عيدين الك هليت فطر وضحيه
يالبيك الف عاشور مراً علي
كلماتي مو اشعار كلماتي تاريخ
ومن افتح الشفتين تطلع صواريخ
خايب ونيني عليك جا ماله حوبه
صاروا فريق عداي وصرت انه طوبه
قال لها:
يل رحتي طيره بليل جا يمته ملكاج
شجره وغصن مكسور ضل حالي بجفاج
قالت له:
لو تنفع الحسرات وتعود الايام
جا حسره الك ذبيت كد ضيم الايتام
قال لها:
الحسره ما تراد بمفارك الموت
اسم العرس بذناي سميته تابوت
قالت له:
لو ماشي اخذني وياك ودفني فوكاك
خاطر يمرني الدود لو يوصل حذاك
قال لها:
شلج بعد بلموت شو حالج بخير
فرحانه عين بعين من رحتي للغير
قالت له:
يا فرحه يا بسمات للميت اعضاه
تسمع عراضة موت من تضحك شفاه
قال لها:
ادري بدمع تمساح بعيونج تبين
حسفه والف يا حيف ضيعت السنين
قالت له:
يا وسفه رمحك بان بأول نواعيك
يل جنت اذل الروح بس كون الاكيك
قال لها:
يا رمح يا طعنات ضنيتي خليت
لملاكه روحج جان يتعارك البيت
قالت له:
روح وبعد هيهات يرجع هوانه
العشره وي بذات ذله ومهانه
قال لها:
روحي الله لا يطيج يل سحكتج ريل
سجه وحمد بلروح من دستي بليل
دارميات عراقية 2013 ، دارميات ، دارميات عتاب عراقية ، اجمل الدارميات العراقية ،دارميات رومانسية عراقية ، دارميات عتاب عراقية ، دارميات حب عراقية
إنته احله كل الناس
ياهو احله منك
حته الجمال اليوم
يسألني عنك
==============
صبح وعصر وغروب
وبهدوة الليل
وبكل دقيقة الروح
تشتاگلك حيل
==============
كون انگلب طلقات
وادخل بگلبك
واكتب على الشريان
دمرني حبك
==============
ظلمة وحظر تجوال
وامريكي بالباب
ولو تنگلب طلقات
أتعنه الاحباب
==============
ظلمة وحظر تجوال
واليطلع ايموت
بس اليحب اهواه
يتحده ويفوت
==============
ظلمة وحظر تجوال
والبطة تفتر
واليطلع ايصكوه
لو جده يحظر
==============
ظلمة وحظر تجوال
والشرطة تفتر
أوصل واجيك ازحوف
يالمعدنك در
==============
دارميات عراقية 2013 ، دارميات ، دارميات عتاب عراقية ، اجمل الدارميات العراقية ،دارميات رومانسية عراقية ، دارميات عتاب عراقية ، دارميات حب عراقية
كون الگلب بي باب
تگدر تشوفه
ولو شفت غيرك بيه
حگك تعوفه
==============
ثاري البنات اهواي
مثل الچفافي
بيهن تخون ابساع
وبيهن توافي
==============
ثاري البنات اهواي
مثل الطماطة
بيهن تخيس ابساع
وبيهن زلاطة
==============
أگعد بتالي الليل
وادعي بصلاتي
ياربي بعد اهواي
شلي بحياتي
رد مع اقتباس
المشاركة الأصلية كتبت بواسطة مِعَ ـآنٌدُ جَـروِحًـة
