حنين الشوك طشرني ولمني
وغيابك حيل عذبني ولمني
تدهور وضعي العادي ولمني
وصفت روحي حواسم للبريه
حبيبت كلبي رديلي وعودي
تره بهجرج نحل جسمي وعودي
اوعدج وابد مااخلف وعودي
اقدم عيني لوجيتي هديه
حبيبت كلبي اريدنهه ابيهه
واروح اليوم خطابه الابيهه
ازيح الدنيه عن بكرت ابيهه
اذا يرفض ابوهه تكون اليه
تطير الروح بالفرحه وردهه
لون مكتوب من عندك وردهه
حديقة كلبي بس انته وردهه
يخايب ليش تتدلل عليه
تطير الروح لوشفتك وردهه
ولون مرسال من عندك وردهه
افتحتلك بالكلب مشفى وردهه
اختصاصي يشيل بس ثكلك عليه
بقلم ميثم السعدي
رد مع اقتباس
