هنا

[فقار الكرخي]

مــــــره مـــــــرتين وثـــــلاثه
تغــــلط وانــــــه اعــــــــــدي
مـا يقــــصد اذيــــــه اكــــولن
مـايصــــير بلحــظه ضـــــــدي
لونه اسـود كل حلم وياه تحول
نفس الجنت حسبه بيوم وردي
كابوس ومـــرض من يمر طاريك
وكل شايب اشوفه أتخيل بكدي
علاج العضو الفاسد بتـّـره يكـون
وبـ بترّك من حياتي انه راح ابدي



ياكلشي بحياتي وياحلم دنياي
يادمعه فرحتي وضحكه احزاني*
يل حبك خرج عن طابع المألوف
من كد مااحبك تاه وجداني*
وعن هاي البشرواضح فوارق بيك
عنهم تختلف من وزن ميزاني*
يا اسمي الثلاثي واللقب وياه
يعني انت هويتي للراديقراني*
بس انه خاين للاسف وياك
لئن طيفك من يمر سهران يلكاني



شلت نية طفل من انته وياي
يا نيه الشلتهه وهيج سويت ......
جنت تغلط واصيح مسامحك روح .....
وابد مايوم منك كلت مليت ...
بصبر ايوب جنت اتحلى وياك ...
وانته بصبر جاهل ما اتحليت ...
يالتعنيتلك وانته ابعد الناس ....
وكفت ابين اديك وما اتعنيت ...



احس متغير اني ومـــــــالي خلك الناس
وأحس تعبان كَلبي من الوكت مــــــقهور
مثل غيمة حزن تمـــــطر علي كبـــــريت
وانه بنار عايش والدمـــــوع تــفــــــــــــور
كل يوم الامس مثل الفلــــــم ينعــــــــاد
وباجر والامس والجاي نفـــــــس الطــــور




مـــــر بينه وخذاه الموت وتعـده
ياموت اعلى هونك سيفك اشحده
احبـــــــاب وگعدنه وكلنه ملتمين
طبيت وخذيته وخربـــت الكــعده
تطب دومك غفل يمفرق الاحباب
وتخلي الناس كلمن دمعته ابخده



خليني اعله بالك مثل ملك الموت
كل لحظه التمرك راجع اذنــــــــوبك
مالك كل شفاعه ولا عذر مقبــــول
مايحتاج تنكر واضحه عيـــــــــــوبك
داريتك عمر حسبالي ينفع بــــيك
مـــــــــــثلت البراءه ونلت مطلوبك
الوفه عندك خيانه والغدر مشروع
ونكران الجميل اسلاحك وثوبـــــك



ما أگدر أشــــــــــوفك أنه بالعيد
وكلش زين تعرف شنهو الاسباب
امخيطني الوكت بفراشي ما گوم
لأن جرحــــي چبير ولسه ما طاب
اولا تصفن أذا شفت العصافيـــــــر
أجن ليك الصبـــــــــح ويدگن الباب
عصافيري هذنــــــــــي وأنه بالعيد
اموصيهن يعيدن كل الاحبــــــــــاب



شغله معروفه نعرفـــــك اي جميــل
وماكو داعــــــي امــــدحك وحجيلك
بس فقط في بالي عندي اني سؤال
شلون هـــــاي الكـــاع جاي اتشيلك
هيه جــــــاي اتشوف الـي مانشوف
لــــــو بشر يمكـــن تضــــل تبجيلك
ومــــو فقـــط بس البجي لاتبقه راح
اتكلك اوكـــــف انـــــي راح امشيلك



مـاأعــــاتـب بعـد لـو تبـعــد سـنيــن
وأعــرف مـايجــرحـك كثــر العتــــاب
أذنـي تـعــودت مـن سمــع الأعـــذار
كـل مـره تـجينــي بنفــس الأسبـــاب
ظـروف ألـي تمـرك مـو حچــي لسـان
يـمكـــن لـو ألمـهـــن صــارن كتـــاب



شحجيلك بعد ما ظل حجي الينكَال
اظن خير الكلام وياك مــا قــــله
لان اشما اسولف انت بيَ تلوم
وعلى ابسط احجاية أدور الزلــة
مو هيج العشكَ احسبها مرة وشوف
وخل كَلبــك يدلك انت لـــدله
راح تشوف زين وتعرف الموضوع
اليعشكَ صدكَ مــا يجرح بخله
ممنـون على جرحك هذا حظي وياك

[علي الشمري]

[صمت عاشق]

روائع

شكرا لك

تقييم

[زينب الشامي]

روعه
شكرا لك

[فقار الكرخي]

منورين