حلو بعيني وجمالك بالثواني يزود
ياريحة خدودك ياريحة العنبر
ياشمعة فرح نوّر ضواها الكون
كلما تشتعل وسط الكلب تكبر
ياوردة حياتي وبيك اشمّن دوم
حبك بالجبين وبالعقل خضّر
حيل شفتك بعيني ورغم زغر البيك
أبد ماجن طفل والعمر ست أشهر
يحلو الطول أمك ذايبه بطرواك
أسمك من يمر كل صلب يتفّسر
ياوردة شوك كلبي من عمر تانيت
هاي سنين اتاني ولأجلك اتنطر
دعيت الله اشوفك وافرح بملكاك
رزقني الله وتقبّل ربي ماقصّر
اريدك كون توفي التعب واللوعات
اريدك كون توفي السهر من اسّهر
اريدك مسره وبيك اريد ارتاح
برد الغربه اريده بضحكتك يحتر
اريد امك وابوك بصيتك يعلّون
كون بطاري اسمك من يمر يفخر
بعد عندي كلام وعندي كومه افكار
وبعد نار العشك لو سولفت تسعر
بس راح اكتفي وبيك اختم الموضوع
زرع تعب السنين بطلتك عمّر
************************************
رد مع اقتباس