مساء الخير اعزائي الدرر
حبيت انقل لكم قصه نور في اول يوم لها في المدرسه طبعا نور اختي لست انا
كنت في السادس الابتدائي يوم سجلنا نور في الصف الاول ابتدائي نور من النوع المدلل الذي لا يفارق امه ابدا ومساله ذهابها للمدرسه كانت مشكله لذلك ترجيناها وبلكاد وافقت بشرط الا افارقها ابدا
طبعا وعدتها بان مستحيل اتركها المهم اول يوم في المدرسه وصلته لصفها وكعدتها في رحلتها وصيتها شوي وارجع بس طلعت من باب الصف
صاحت وراي وجت تركض وتبجي خذيني معك ماضل هنا ترجيتها تبقى ما قبلت فكلت عادي اخذها معي لصفي اول يوم درسه مافي دروس ولا شي
هنا جنيت على نفسي كان عندنا شاغر مافي معلمه عندنا لذلك البنات وكذا يعني مو هادئات سون هوسه المديره سمعت صوت البنات الطالع جت معصبه
اول ما دخلت شافت نور عصبت زياده للحين اذكر كلماتها "يابه شنو هاي صفها مو هنا " فهمتها ان البنت ما تقبل تفارقني وتبجي بس غير تتفهم وضعي لا عصبت زياده وكالت بالحرف "شوفيلج جاره (جاره يعني يمكن وسيله حسب ما فسرتها لي صديقتي)
بعدين جت يمي تبي تاخذ نور لصفها يعني عشان تتعود بس نور انفجرت بجي بس تصيح "مابي شريره(نور من النوع الجريء تذب الكلمه في الوجه )
المديره عصبت زياده طردتني انا معاها
طلعت من الصف متفشله والجنيه ذي معي -_-"
لما طلعنا سكتت شوي بس بلشت بسالفه جديده تبي ككاو
الله يذكر ام شروق بلخير الي تشتغل في المدرسه راحت المره جابتنه ككو عطيته لها وسكتت
كنت معصبه من الفشله الي اكلته كدام البنات وكذلك من صوت صراخها الي ثقب اذاني
بس منضر نور ودموعها على خدودها وهي تمسحهن وتاكل ككو وعيونها علي خاف اروح عنها كذا منضر طفله بريئه ضحكني وزال تعصيبي كله
دك الجرس رجعت للصف جتنا مدرسه اتفهمت وضعي قبلت تبقى نور بس ذا اليوم عموما الحمدالله ولا نضل بالساحه
بعد ذي السالفه نور صارت تخاف من المديره ولو انها جريئه الحين هي خامس ابتدائي بنفس المدرسه
وخلصنا طبعا اغلب الدرر من قرو العنوان عبالهم نور انا
رد مع اقتباس
المشاركة الأصلية كتبت بواسطة نجمة زمرد
