هنا

[فقار الكرخي]

سلامات…
يا لذيذ العافيه ابمشيك حياة
يا… سوادين التشيط اگبال خزراتك رفاة
اگبال ضحكاتك فراش
اگبال عفست حاجبك ساعة ممات
اگبال دمعاتك فرات
اگبال چلماتك لغات
اگبال فرهة خاطرك گمره التبات
اگبال ساجيتك فيّاي
اگبال سچينك دواي
اتّحل سمّار البيك غبشه
وتاخذ اوصافك روات
يا بلاط المستحه وسگفك غطاي
الطرف اصابيع الزلف نفحة حياة
يا صهيل الغايره ابوكت الشداد
ابراس شارع ريتي شبگه ودلال
ابمشيك ايغار الغزال
اتّنوخ ابّسدك الشاره
اهناه يمن كلك بخيت
وكلها يمك…
ملح شيلة مستحاي
غنج كل روحي وغواي
نبض چف العافيه وحضنك هواي
سلف من تگبل عليه ..
ابصمك احجابي وخبزتي ..
ابّنفسك اصياري وكبرتي
يا غنوتي ...وديرتي ..
ولبة كشختي ..
اخذني يمك…
اتّوْچّت ابعكازة الفرگه دمعتي
يا لهفتي…
الصفنه فزت من نشغتي
وحضني باهت…
اخلاف شبگة طولك اتّفشل شبگتي




منقووووووووووول

[زينب الشامي]

حلووو

[علي الشمري]

حلووووووووووو

[فقار الكرخي]

نورتو الموضوع يالغوالي