عشرات الابوذيات بقلم الشاعر حسين الساعدي
- ابوذيات الشاعر حسين الساعدي
:::
ياروحي التحبكم ماتملكم
وياوسفه وكتكم ماتم الكم
راح انصب ابروحي مأتم الكم
وأقرا الفاتحه ابصبح ومسيه
ااالساعدي
++++++++++
هالنور ابوصاله
ماله لو لا!
صافي ويا جماله
ماله لو له
والمغرب خياله
ماله لو له؟
حارمنه الشمس وبهل مسيه!
حسين ااالساعدي
============
ابوذيات حسين الساعدي
:::
وياك الزمن خوان ماله!
وبخط الفرح مناك ماله
والما يصرف العازتك ماله
ما محسوب اخو فوك الوطيه
حسين الساعدي
==============
ابوذيات حسين الساعدي
:::
وليمته الدمع يا عين ينهال!
عايش و الجسد بتراب ينهال
كلمن شاهد الماسات ينهال
ويبقه ابصفنته اليوم المنيه
حسين الساعدي
===========
ابوذيات حسين الساعدي
:::
نيران البخدك نار وياك
بالك تحرك ابهلناس واياك
يعجبني سبع تيام وياك
وتنازلك ابكل البقيه
الساعدي
===
أبوذيات حسين الساعدي
يوطار!!
::::
ياكلبي الأكصه ابموس يو طار
ياذيني الفجر بالسهر يوطار
لا تستغرب إمن الفيل يو طار
طاير والصكر نام ابزويه!
ااالساعدي
=======
تعال افراكك اتوثق بالف عام
تعال افراكك اتوثق بالف عام
تعال افراكك اتوثق بالف عام
وأحسب جَم ألف وثقت اديه!
ااالساعدي
==========
ابوذيات حسين الساعدي
::::
حلوه الدنيا لكن مره منك
وبروحي وأشاكف مرمنك
مره الرميه مني مره منك
ومره اثنينهن ثارن عليه
ااالساعدي
============
ابوذيات حسين الساعدي
:::
وبدعوة فرح دزيت ودعيت
وبيكم فرحتي والأه ودعيت
طفتلكم سبع مرات ودعيت
بالكعبه ورفعت اثنين اديه
االساعدي
++++++++++++++
والعطشان يمك
مايه همك
وتنطرت همك
مايه همك!
كون اللي يلمك
مايهمك!
جا ما لملميت ابهاي اديه!
ااالساعدي
==========
ابوذيات حسين الساعدي
:::
هاي أطباع اهلنه منه بينه
ما مره ابعطيه منه بينه
كل الدنيا ضوت من نبينه
والد فاطمه الزهره الزجيه
االساعدي
+++++++++++++
ابوذيات حسين الساعدي
::
ياخويه ابحليب امنه وجاهه
أقسم والشمر ناره وجاهه
بخيمنه وضرب سكنه وجاهه
أسرها ورعب بنتك رقيه
االساعدي
======
؟؟؟
ومكَدر عليك ألشر ولك دار
يل ماتنكر المنكر ولك دار
وشما كثرت أكثر ولك دار
ذاك الكملاك ابهل القضيه!
حسين االساعدي
==============
ابوذيات حسين الساعدي
:::::::
كلبي المشتعل بجفاك ماطاف
والغيرك أبد عالناس ماطاف
ناطر طيفك الهل يوم ماطاف
شايل طيفك ومبعد عليه
ااالساعدي
===
ياعيني الفلا يخمد يمرها
مشتاكه ولا طيفك يمرها
يلما تدري بأيامي يمرها!
مُره وهالطعم كلش اذيه
االساعدي
==========
ابوذيات ساعدي
::::
هليت ابهلاهل هاد نصه
ياهول اليهل اهوال نصه
وبهل الهلال ابهاي نصه
هليت واهل بيها بديه
حسين الساعدي
=================
ابوذيات حسين الساعدي
:::::::
روحي ابحدة ارموشه شجاها
وهيه اتحبه ما أدري شجاها!
ضلت يطرب السامع شجاها
ولمت كل جواريني عليه!
االساعدي
++++++
أبوذيات حسين الساعدي
::::
نتقاسم والي الكشره ولك جوز
وانه الأقبل ابوحده ولك جوز
بس ابطبعك القاسي ولك جوز
خلاني أمشي وتصفك بديه!
االساعدي
؛؛؛؛؛؛؛؛؛
أبوذيات حسين الساعدي
:::
درب المايضيعك روح طره
وياك الفجر وتشوف طره
بالك تلجم الدلال طره!
راح ايذبك ابدرب المنيه
الساعدي
+++++++++++++
ابوذيات حسين الساعدي
:::::
مترهي وعله المازاد ناقَص
ويبيع وينادي ابسعر ناقص
ونطاني بلاش العدو ناقص
ثاره ابكلبه وقيوده بديه!
ااالساعدي
=============
أبوذيات حسين الساعدي
::::::
صليت اشكثر ودعيت ربي
وابعد عالربا وميزيد رَبي
يبنادم ابهل طيبات ربي
وتشوف الربح يوم المنيه
االساعدي
+++++++++++++++
أبوذيات حسين الساعدي
::::::
يومي اتقرب الأيام وَرده
طايح والكلب مطعون وارده
حسبالي تجي وتجيب ورده
ماجنت اعتقد تدعي عليه
ااالساعدي
+++++++++++
ابوذيات حسين الساعدي
:::::
كلبك بالاحباب اشلام مالام
وبجرحك نزيف وأبد مالام
واليعرف ابقصتك هاي مالام
ماتلام ابد طايح رميه
االساعدي
================
ابوذيات حسين الساعدي
::::
يفلان الكلب وياك ما عال
وشتكتب واكلك عال ماعال
وشما يعتله الانسان ماعال
تالي ويندفن تحت الوطيه
االساعدي
==========
ابوذيات حسين الساعدي
::::::
و المن تنتظر مابعد رده
كونك ناشديت وطال رده!
بابك من يجيك انوب رده
وحسب هو والماكو سويه
االساعدي
===================
ابوذيات حسين الساعدي
::::::
هذا الكلب منك وانته منه
وماطالب الونه ونته منه
ماتدري اشدعينه ونتمنه
وياك العمر نكضيه سويه
االساعدي
+++++++++++++++++
ابوذيات حسين الساعدي
:::::
شرهم عالحبل يا كلب شرهم
ما أرهم اويه الخانوك شَرهم؟
ما بيهم فرح ويزيد شرهم!
ربولَك جرح بس للأذيه!
االساعدي
==============
ابوذيات حسين الساعدي
::::::
كلبي ابشوك المغربين وجره
ودمعي اتلاله بالعينين وجره
فاز اليسعه بالطيبات وجره
يم الله ويضاعفها الهديه
ااالساعدي
+++++++++++++++
ابوذيات حسين الساعدي
:::::::
وجناحاتي ذني مالي بس تك
وصوجي إمنالبدايه ما لبستك
تلكيتك شجاني؟مالي بستك!
وصارت بوستك بلوه عليه
الساعدي
=========
----------------
ابوذيات حسين الساعدي
:::::
ذايب يا كلب بالقهر شملاك!
مهموم وقرار الضيم شملاك
ما ينجمع بالعافوك شملاك
وبقه ابونتك هاي الخفيه
االساعدي
===============
ابوذيات حسين الساعدي
:::::
روحك عالجروح اليوم شرها
ما عافتني ما حففت شرها!
هاك ادموعي عالخدين شرها
وهلبت تنقهر روحك عليه
االساعدي
+++++++++++
ابوذيات حسين الساعدي
:::::
اهلا بيك يالغالي والوياك
وشبيدي عله ضيمك ولو ياك
يا ضحكه الي يمك والي اوياك
دمعات الوفه الصبن سويه
االساعدي
++++++++
أبوذيات حسين الساعدي
::::
هليت وجمال العيد هل بيك
وب كل هلا الدلال هل بيك
هلبيك الفرح مرسوم هل بيك
ضحكات الصدك هلن عليه
االساعدي
++++++++++++
ابوذيات حسين الساعدي
::::
يلما دافعيت ابيوم شر عن
دمعاتي ابخليج الضيم شرعاً
هجرانك أبد ميجوز شرعاً
وما ابريلك اله اتمر عليه
االساعدي
==========
أبوذيات حسين الساعدي
::::
شلك فززيت الجرح شلك
صاباك الزمان وحيل شلك
وال لك ما تلوك اوياك شَلك؟
كالولك ولك وانته ابمنيه!
االساعدي
===========
ابوذيات حسين الساعدي
:::::
ونطيك القلم بالسيف سله
وترسلك ورد بالشعر سله
أذاني الشعر والكلب سله
وابيات الهجر شمسويه بيه!
االساعدي
نشرت بواسطة ارجع يازمان - منذ 20 ساعات- ابوذيات حسين الساعدي
::::
ماعاف الدرب لليوم يبره
عافوله جرح ما أظن يبره
وياكسر الخواطر صعب يبره
وتضل لجمته اليوم المنيه
االساعدي
=================
ابوذيات حسين الساعدي
::::
خدك وارد ابوكن باكه منه
والبستان كبلي باكه منه
هاليومين عمري ياكي منه
تعال وخل نخلصهن سويه
االساعدي
================
ولك مال!
حسين الساعدي
:::::
ماظن يفرح الراسب والاكمال
شوف الكلب للونه ولك مال!!
الك قصرك ولك أمرك ولك مال
بس ما تمتلك روحي الأبيه!!
ااالساعدي
أبوذيات حسين الساعدي
===========
ما سبوها!
///////////
زينب وهَم عدهم ماسبوها
والسَبوا نَفسهم ما سَبوها!
إذا امها جواهر ماس ابوها
شَكول ابفاطمه وحامي الحميه
الساعدي
===========
أبوذيات حسين الساعدي
وسن بيك!
:::
عينك ناعسه ودايم وسن بيك
ورموشك مثل مبرد وسن بيك
أيه ومنك استنبط وسن بيك!!
وأمسح كل ذنوب الجاهليه!
االساعدي
=============
أبوذيات حسين الساعدي
ولا مات؟
::::
روحي اتعاتب ابحظي ولامات
وتتألم اشكد شافت ولامات
ابن مسئول مانسمع ولا مات!
بس عالفقره تفتر المنيه؟
ااالساعدي
===========
وجناس!!
حسين الساعدي
×××××
حسنك ملتهب بالدرب وج ناس
وداخت بيك ناس إشكثر وجناس
كتبنالك قوافي أشكال وجناس
وبعدنه امقصرين ابهل قضيه !
ااالساعدي
=============
أبوذيات حسين الساعدي
:::
هذا الطبع من جدي وعن باي
الحنين ايهزني للطيب وعن باي
أنه الفرهدوا سلتي وعنباي
وزين وخلوا اهدومي عليه
ااالساعدي
=============
أبوذيات حسين الساعدي
:::
أموتن بالقهر وبشوف طكطك
وبخزراته خله الحَجي طك طك
حرامي وكالوا ابهلخير طك طك!
ويعيرني الحرامي وجنها بيه!
االساعدي
==============
ابوذيات اهداء لاهل الناصريه الطيبيين
حسين الساعدي
؛؛؛؛؛؛
ناصري أنه
نناصر دوم كلمن ناصرانه
ولليطلب الفزعه ناصر أنه
عراقي وللمدينه ناصري انه
وهويتي البلعراق الناصريه
أألساعدي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
شطره
سألته اعله المدينة إوكال شطره
وكتبلي شطر بس اشلون شَطره!
خله الكَلب بالنص صار شطره!
لمن كتب رايح مالي جيه
االساعدي
؛؛؛؛؛؛؛؛؛؛؛؛؛؛؛؛؛؛؛؛؛؛
تبقه الناصريه ناصريتي
ويروحي اشكثر منهم ناصريتي
ابصف قامات اهلها ناصي ريتي
الواحدهم علم واخذ تحيه
االساعدي
؛؛؛؛؛؛؛؛؛؛؛؛؛؛؛؛؛؛؛؛؛؛؛
الكلب كسلان جان وشطريته
جم شطر ابهواها وشطريته
وابن سوك الشيوخ وشطريته
لأن بلشطره روح الناصريه
حسين الساعدي
نشرت بواسطة ارجع يازمان - منذ 23 ساعات- اليوم
كانت مساجله سريعه في اقل من ساعتين بالابوذيات المباشره
بيني وبين كوكبه من المبدعين
:::::
-
وياي المصايب كووم شلهه!
وبحرب الزمان الايد شلهه
ما ألها بسوالف ناس شلهه!
وانه اجروحي بجفوف المنيه
حسين ااالساعدي
=============
محمد المعمار
غير أحزان وكحه ماشلينه
عليها الجدم رايح ماشي لينه
لا كِلنه وتعبنه ماشلينه
نكلناها بألم سوگ وسبيه
المعمار مع تحياتي الشاعر حسين الساعدي
--------
الشاعر حسين الساعدي -
وبشلة زمانك شال ماشال
والشايل اهمومه ابد ما شال
همك والجرح وياك ما شال
دايس عالجرح فوك الاذيه
االساعدي
ررائع محمد المعمار
====================
الشاعر حسين الساعدي محمد المعمار تدلل الشاعر حسين الساعدي
يجيك محمد يهزهز بردنه
ابد لاتضن على ردك بردنه
يحسين الشعر سيفه بردنه
شطب ويرد عليك بكل سجيه
بقلمي الان -
----------------
الشاعر حسين الساعدي
ونطيك القلم بالسيف سله
وترسلك ورد بالشعر سله
أذاني الشعر والكلب سله
وابيات الهجر شمسويه بيه!
االساعدي
ررائع المعمار
=====================
محمد المعمار
دايس علجرح والعين بالعين
جرعنه علل كرامه اهموم بالعين
شفنه هواي وارده بسقم بألعن
مصايب حملن ضيم واذيه
المعمار وحياك الله الشاعر حسين الساعدي. -
---------
الشاعر حسين الساعدي
شلك فززيت الجرح شلك
صاباك الزمان وحيل شلك
واللك ما تلوك اوياك شَلك؟
يتلكلك عليك ابن الرديه!
االساعدي
ررائع المعمار
=======================
مريم حسين
تباعدنه ولا نكدر وعدنه
نواعد وابد ما نخلف وعدنه
عدنه الطيبه والضحكه وعدنه
نبعات الوفه اليوم المنيه
-------------------------
الشاعر حسين الساعدي
يلما دافعيت ابيوم شر عن
دمعاتي ابخليج الضيم شرعاً
هجرانك تره ميجوز شرعاً
ما ابريلك اله اتمر عليه
االساعدي
ررائعه مريم
======================
جليل الغريب
وسفه ابشكوتك للغير شكيت
وبأخلاصي يبن الناس شكيت
نصين الكلب هاليوم شكيت
ما نرجع بعد نكعد سويه
الغريب
-----------
الشاعر حسين الساعدي
وبغيمه الزمان اوياي ما صاح
يوم ابشوفت المحبوب ما صاح
شافاني فتت باالدرب ما صاخ
بسمي وهون اهمومي عليه
االساعدي
ررائع جليل الغريب
==========================
محسن فالح اللامي
عالراس النعزهم كلشلتهم
وگلت مادام يمك كلشلتهم
انة لو شفت صدك كلشلتهم
اتهمك واتهم حضي سوية
بقلمي
------------
الشاعر حسين الساعدي
وديار البخل بالك تمنهم
جوعان وبقت روحي تمنهم
ما عزموني من صبو تمنهم
وحركو روحي بالسفره الزهيه
ااالساعدي
ررائع محسن اللامي
=======================
ابو احمد العراقي العراقي اكول لحسين الساعدي
خلص نص عمري آه والم نصه
وانه الما هان هامي والمنصه
تعرفني القوافي والمنصه
وعندي حسين درس اﻻبوذيه
--------
هليت وجمال الشعر هل بيك
حياك الكلب وبشوك هل بيك
هلبيك الكتابه اتلوك هل بيك
أبوذيات جنتهن ساعديه
االساعدي
ررائع ابو احمد
======================
محمد المعمار
رميم ومن سمعت الشعر حييت
مثل فرحة زيارة وطوف حجيت
شلت ايدي لب احمد بعد حييت
جليل ومريم ومحسن سويه
المعمار وحي الله
مريم حسين
جليل الغريب
محسن فالح اللامي
ابو احمد العراقي العراقي
7 دقيقة · إلغاء إعجابي · 4
-------------------
الشاعر حسين الساعدي
اهلا بيك يمحمد والوياك
وشبيدي عله ضيمك ولو ياك
والضحكه والي كعده والي اوياك
جلمات الوفه البيهن حميه
االساعدي
ررائع المعمار
==================
محمد المعمار
يحسين البخت مايل شعدله
عبر واختلفت احسابي شعدله
طلبنه الگهوه من ايده شع ادلاه
شمس من اسدل الفنجان اليه
المعمار.
-----------
الشاعر حسين الساعدي
روحك عالجروح اهواي شرها
ما نصفت ولا حففت شرها!
هاك ادموعي عالخدين شرها
ما نشفت تره وضلت نديه!
االساعدي
ررائع المعمار
===================
الشاعرمحمدهاشم الناصري
اريد اسئل زماني شله بينا..@
وعدنا هموم صارت شله بينا..@
الجرح المايفيدك شله بينا...@
وحط غيرة جرح يازمن بيه
.،......@........@........@....
-
الشاعر حسين الساعدي
شلكم وبحجي النمام شلكم!
فرقكم وبين الناس شلكم
هاي اجروح ما تنحسب شَلكم!
ماعدكم كبل هاكد أذيه!
االساعدي
ررائع محمد هاشم
====================
محمد المعمار
تدري الكعده بحضورك متنرد
مجاراتك تريد افضل متن راد
بلايه احسين اشعاري ماتنراد
اذا مالساعدي ايوقعها ليه
المعمار واني مشتاقلك گييييييك حيل
----------
الشاعر حسين الساعدي
انته الاصل للروعه ولالوان
لا نوح التصدالك ولا الوان
جفين الزمن عجزن ولا الوان
جفينك لأن كلك حميه
ااالسعدي
ررائع المعمار
=====================
عكاب جراح الفاران
علي دارت يبو الغيره وشله
ويميني العسر گصاه وشله
انت الي تخيطه وشله
لغيرك مايگدرش جيد نيه
عكاب الجراح
----------------
-
الشاعر حسين الساعدي
ذايب يا كلب بالقهر شملاك!
مهموم وقرار الضيم شملاك
ما ينجمع بالعافوك شملاك
وبقه ابونتك هاي الخفيه
االساعدي
ررائع عكاب الجراح
=======================
مريم حسين
متغير عليه اشبيك مابيك!
يا نبع المحنه ودغش مابيك
اموت وما أكولن يوم ما ابيك
أبيك ابكل صبح وبكل مسيه
مريم
----------
الشاعر حسين الساعدي
وجناحاتي ذني مالي بس تك
وصوجي إمنالبدايه ما لبستك
تلكيتك شجاني؟مالي بستك!
وصارت بوستك بلوه عليه
الساعدي
ررائعه مريم
==========================
محمد المعمار
انه بعيني الصگر بيته والعگاب
ولي النيران بفادي ولع گاب
ابن الساعدي منهم ولعگاب
اثر واضح تشوف فصوص بيه
عكاب جراح الفاران. حياك الله نورتني ونورت الكروب من رخصة الشاعر حسين الساعدي انضيفك
_______________
الشاعر حسين الساعدي
اهلا بالتضيفه وصار يمنه
واليسره ابخدمته انوب يمنه
وبشح الامان الضيف يمنه
وما يلكه ولا دكة رديه
االساعدي
رائع المعمار هعلا بيك وبكل التضيفهم
=============================
ابو احمد العراقي العراقي
نغم صوته ضماد اجروح بلسم
عزيز وجن اشوفه هﻻل بالسم
العسل منه لون مديوف بالسم
اجرعه ويشفي كل امراض بيه
-------------
الشاعر حسين الساعدي
مدري اشلون ببعادي يسلكون
والفاركني من عدهم يسل كون
كون الأسئل اخباره يسال كون!
مره وبالجذب يسال عليه
االساعدي
ررائع ابو احمد
======================
محمد المعمار
اوعدك يلبعيد اعليك مأجور
الك نخدم صباح وليل مأجور
لا ردنه انعم الله اعليك مأجور
بس جلمة وعد لا دكها بيه
المعمار.
-------------------
الشاعر حسين الساعدي
كلبي ابشوك المغربين وجره
ودمعي اتلاله بالعينين وجره
ثواب اليسعه للطيبات وجره
يم الله ويضاعفها الهديه
ااالساعدي
ررائع المعمار
=================
جليل الغريب
بفراكك عليل وزاد مرضاي
وبرض الضلوع وهان مرضاي
كونك تعتنيلي وردت مرضاي
ارضه ابجيتك وانسه الأذيه
------------
الشاعر حسين الساعدي
ما ادري الاحبه اشراد وشكال
ما يدري ابصدوده ذنب واشكال
وعيوني التصب الوان وشكال
يالون التحب يجرن سويه
االساعدي
ررائع جليل الغريب
====================
طعمه حسن الموسوي
تفتت جرح دلالي وشل بيه
اوبياب العين ماباكي وشل بيه
زاد الحمل ياصاحب وشل بيه
كثر حملي اوكصت دنياي بيه
-----------
الشاعر حسين الساعدي
شرهم عالحبل يا كلب شرهم
ما أرهم اويه الخانوك شَرهم؟
ما بيهم فرح ويزيد شرهم!
ربولَك جرح بس للأذيه!
االساعدي
ررائع اخي طعمه الموسوي
============================
محمد المعمار
عليك ادموع لسچبها لحنها
على خدودي طبع واثَر لحنها
بصبابة اخ من اعزف لحنها
طيور الغربه تبني اعشوش بيه
المعمار مع الود
--------------------------------
الشاعر حسين الساعدي
هاي اعيوني متغير شكلها
ذبلانه وحرت مدري شَكلها
بلليل الكلب يمكن شكه الها
وخلاها الصبح تنهد عليه!
االساعدي
ررائع المعمار
=======================
محسن فالح اللامي اهدائي لكل العمالقة
شجاريكم شگولن روعة كلكم
طعم ظل بلهاتي روعة اكلكم
الشعر صفگ وصيح روعة گلكم
واتمنة وياكم اضلن للمنية
بقلمي
------------------
الشاعر حسين الساعدي
يا محسن الرائع وانته منه
يلتم كل شملنه ونتمنه
شوف الكلب صاير ونته منه
يون علما اجه ويسئل عليه
االساعدي
ررائع
=======================
محمد المعمار نعم
لچن يحسين ليش الما يردنه
نحبه ومن حسبهم ما جردنه
لا نگطه بوجهم مايه ردنه
اعتذر لو كال حكم هم عليه؟؟
المعمار واريد جواب قاطع هههههه
بس عادي خويه
----------------------------
الشاعر حسين الساعدي
نتناشد عليكم مايه ردكم!
يفلان اليحبكم ما يردكم
وبثوب الشهامه ما يرَدكم
لايك بيكم اليوم المنيه
االساعدي
ررائع
=====================
محمد المعمار
وانه شسويت هوه مارداني
مرد روحي وحشاشي مارداني
طلبته وگتله ردني مارداني
اضن شايف يبوعليوي زويه
هههههه احسنت رد رائع بس بعدني ماخلصت منك
+++++++++=
الشاعر حسين الساعدي
و المن تنتظر مابعد رده
كونك ناشديت وطال رده!
بابك من يجيك انوب رده
وحسب هو والماكو سويه
االساعدي
=====================
محسن فالح اللامي
انة اتعناك واهديلك وردلك
اروح وگوة موبيدي وردلك
اذا واشي بخبر عني وردلك
انة اترجاك لا تزعل علية
بقلمي
----------------
الشاعر حسين الساعدي
يومي الواصل الأيام وَرده
طايح والكلب مطعون وارده
حسبالي تجي وتجيب ورده
ماظنيتك ادَاعي عليه
ااالساعدي
=======================
ابو احمد العراقي العراقي
ابو علي
صﻻتك كوم يالله بساع صلهه
وحبال الموده وياك صلهه
على العذال نارك حيل صلهه
وزل جامع اصول الساعديه
----------------------------
الشاعر حسين الساعدي
صليت اشكثر ودعيت ربي
أبعد عالربا وميزيد رَبي
يبنادم ابهل طيبات ربي
وينفعنك ابيوم المنيه
االساعدي
============================
محمد سهيل الناصري
لون تدري بونيني اعليك ... ياويـن
ناكه و الجبد بي صار... ياويـن
صرت عكبك شعير بحلك.ياويـن
تركـش كامت ام اعطوب بيه
#بقلمي
تحياتي يارائع
-------------------------
الشاعر حسين الساعدي
يفلان الجرح بهداي غطه
شايخ عالجروح وحيل غطه
ليش اتجمل الغركان غطه!
جايب شامت ادليه عليه
ااالساعدي
وحياك الله يا رائع
======================
محمد سهيل الناصري
ياكوسر مضيف وزود… شباه
عكبك جتفي شامت ردي… شباه
الزمن موكد هجر بالروح… شباه
وصفه المايسوه يدفه عليه
#بقلمي
----------------------------------------
الساعر حسين الساعدي
يمته احبابي يجَمع شملها
عشرتهم فلا تنمل شملها!
روحي التنتظر والهَم شملها
تريد الهاجروا كبل المنيه
االساعدي
=========================
الشاعر احمد الجبوري
بسهم مصيوب دلالي مع الطر
علي لعبة لعب كتبه مع الطر
اليعصر مستحاتي يشم معطر
بي ريحة افراكك عاط بيه
--------------------------
الشاعر حسين الساعدي
دربك ما يضيعك روح طره
وياك الفجر وتشوف طره
بالك تلجم الدلال طره!
راح ايذبك ابدرب المنيه
الساعدي
رد مع اقتباس
المشاركة الأصلية كتبت بواسطة أوراق شاعر♪
