يامــــدمن هجر
يامــــدمن هجر
ذكرك فوكي يخطف لون من اشتاك
وانه بروحي الف عاشور غير الهم
واعد ناسي واعدك اخر اليوفون
وعكسهم ساعة الفركه تجي محزم
من بطن امه يطلع كل بشر معروف
مامتعلم من يشوف يتعلـــــــــم
بطن امك جنت شنهي انته تقرا فراك؟؟؟
شايف ؟؟شوعفته وجيتني معــــلم
حركتي تعادل اعمه بنص اليسلمون
يبقى بروح ياكل ياهو مر سلم
بدروب الشماته اليمنه شالت غيض
كمت من ارد افوت بيسرتي اتلثم
واتعمد طبك البس ثنين ثنين
قمصان ويبين جرحك مدمم
يل ماناسي سنك ضحكه ساعه بيوم
بشفافي الضحك ماضكته بس اشتم
لاتحسب فضل من طيفك يمر كام
هو المات ابوه تعوضه شبكة عم
يامدمن هجر جــا يمته تدمن شوك
شرايينك تضخ تنساني وي الدم
وكل هذا وبعدني اندلك وماجيك
عيب اجبرلي واحد بيه مامهتم
اتحمل فراك ولاملامة ناس
العايش بالقصر بالخبزه مايحلم
طاووسك مدنك راسه جي مكصوص
ريشه وما الومه بيش يــــــــــتشيم
بيه من الله عاده اكره هوى الملاج
لان تعشك العامل حفرة المنجم
ضلت هااااي يمك ترجع تضل غاد؟؟؟
شوف انته اليفيدك مو تجي وتندم
رد مع اقتباس
