[CENTER]المقادير والطريقة
كيس مكرونه مسلوق بالطريقه العاديه ماي مغلي فيه ملعقه كبيره ملح وشويه زيت زيتون لاتغلونه اكثر من المده المكتوبه ورا الكيس يعني حاولي عشر دقايق او اقل منه
بصله مفرومه
لحم مفروم (لحم مفروم اضيف له بصله مفرومه وفص ثوم مبشور وكزبره وبقدونس مفرومين يكونون طازجين ملح فلفل اسود كمون كاري شوي قرفه بهار لحم وكزبره مطحونه وبقسماط نكور كل حبه بحجم حبه الجوز ونحطها بصيينه مسطحه وندخلها الثلاجه شوي نحمي الفرن او مقلاه بشوي زيت ونحط الكور بس دفعه دفعه ونخليها تستوي ع كل جهه حوالي 5 دقايق وبعدين نقلبها ع الجهه الثانيه لاتقلبونها وهي بعد ماستوت
3 فصوص ثوم مهروسين
4 طماطميات انا احطهم بزبديه فيها ماي مغلي واخليها شوي عشان انزع القشره حقت الطماط
ربع حزمه كزبره مفرومه
علبه صوص الباستا اي نوع تفضلينه بالنسبه لي احب بريقو اللي بالثوم والبصل والطماطم وفيه اللي بالمشروم وايد حلوين
اللي ماعندها صوص باستا جاهز استخدمي معجون طماط
بهارات مشكله ملعقه صغيره من كل من كمون كاري كزبره مطحونه فلفل اسود بابريكا شطه مجروشه ريحان basil
واوريقانو جاف وروز ماري اللي هو اكليل الجبل
رشه جبن موزريلا مبشور حسب الرغبه
نحمس البصل على النار مع شويه زيت لين يذبل ويتغير لونه واحب اضيف له شوي ملح يساعده بستوي بسرعه ورشه بسيطه فلفل اسود نضيف الثوم المهروس لين تطلع ريحته ويكونون على نار هاديه اضيف الطماط المفروم والكزبره المفرمه لين تذبل وبعدها نضيف الفليلفه حتى تذبل ونحركهم مع بعض نضيف علبه صوص الباستا ونخليه يتسبكون مع بعض لما تغلي الصلصه اضيف نص كاس ماي مغلي للصلصه واضيف رشه فلفل اسود وريحان مجفف واوريقانو واذا عندج بهارات ايطاليه اضيفي لها اخليها على نار هاديه لين تغلي وبعدها اضيف لها الباستا وكراتا للحم واخليهم مع بعض تتشرب الصلصه حوالي 5 دقائق واحركهم بشويش حتى لاتتكسر كرات اللحم وهي حاره للي يبون جبن ارش عليها جبن موزريلا واسكر بغطا الجدر عليه او يدخل الفرن على نار محميه من قبل بس دقايق حتى تذوب الجبنه
وبالعافيه
رد مع اقتباس
