شوف روحي شبيها لهفه راح ارددهه بشعر
واحجي البروحي خزنته ومن اخلص انتحر
الناس من تحجي بحلاتك والله انصاب بقهر
ودي احطلك سلك شائك واحط ممنوع وخطر
وخندق وكومة حمايه وحولك ارد احفر نهر
واليزورك عالهويه وكون حاجز من شهر
ولو ردت تفتر بشارع سبوع تجوال وحظر
واليصيحن غيري باسمك يعني معناها كفر
يعني معناها احركه واسحك الجثه بهمر
وكله هذا بسبب حسنك وانته قدر هالاثر
لان حاير شرد اكولن شرد اوصفك ياكمر
ابدي من وجهك يغالي خافن يطول السهر
ولو ردت ابدي بخيالك والله احس كلبي انفطر
مو رمش سيف انت شايل وبيه كل ساعه انسطر
ونظرة عيونك رصاصه جنهه ليزر مو نظر
وشعرك الناعم قضيه ووصفي اله قطره ببحر
هذا انته وهذا انه ودونك شيسوه العمر....
رد مع اقتباس
المشاركة الأصلية كتبت بواسطة أوراق شاعر
