بطاطس ودجز بالفرن هذي الطريقه بالتفصيل :
١- ننظف البطاطس ونغسله مضبوط مع قشرته والبطاطسه تكون (وسط) وبعدين نقطع البطاطس الوحده لنصفين بعد النصف يطلع معنا ٤ قطع
٢- ونجيب زبديه ونحط فيها البهارات التاليه /
ملح ، فلفل أسود مطحون ، بهارات ايطاليه ، باربيكيا ، فلفل أحمر حار مطحون ومجروش ،
كزبره ناشفه مطحونه ناعم ، اوريغانو ، بقدونس مفروم ، بودرة ثوم ، بودرة بصل ، شوي برش ليمون
٣- نخلطها مع بعض بملعقه بعدين نحط قطع الودجز ونقلبها مضبوط ونصب عليها زيت زيتون يغطّي كل القطع ونقلبها
٤- الأفضل تخلونها بالثلاجه قبل الفرن كل ماطولت المده كل ماتشرّب البطاطس الخلطه وطلع أطعم . .
٥- نجيب صينيه حافتها قصيره ونحط قطع الودجز فيها بشكل عشوائي ثمن نرش على الوجه مره ثانيه زيت زيتون
٦- ندخلها الفرن من تحت على درجة حراره ٢٥٠ فهرنهايت ، تاخذ نص ساعه تقريبا ًبعدين نحمرها من فوق وبس
٧- أنا ماأحركها أبداً عشان ماتتكسر معي وعند التقديم الافضل تقدّم ساخنه
وقدّمو معها الصوص اللي تحبون
وعساه هني وعافيه على قلوبكم
ملاحظه :
بنفس الطريقه تنفع مع البطاطس الحلوه والقرع
رد مع اقتباس
