حب قتله .. الموتـ
السلام عليكم
راح احجيلكم قصه حقيقيه صارت ابغداد تحديدا بالكاظميه
قصه يتوقف لها القلب الما
قصه حب صارت بين ( نور _منتظر) صارت هاي القصه في 2014
نور طالبه سادس ومنتظر مرحله اولى جامعه
نور ومنتظر جيران باب اكبال باب
عاشو احلا قصه حب بالكون كله .. نور من عائله معروفه ومؤدبه وتخبل
منتظر من عائله ايضا معروفه وهوة شب يختلف عن بعض الشباب يصلي ويصوم وحلو وكل بنات الجامعه يموتن علي
نور تحب منتظر بكد الكون والنجوم ومنتظر يعشقهة حد الجنون ما تتصورون شنو جانت بالنسبه اله
وبيوم من الايام اتصل منتظر على نور وكللهة حبيبتي اني اسف وسامحيني بس مو بيدي والله اني احبج هواي واني الهوة الاتنفسه
.
.
.
.
كلتله خير حبيبي شكو ...... جاوبهة .. عمري اني راح اروح لسوريا
كلتله شنو هاي حبيبي راح تسافر وتعوفني انت مو كلت بس نتزوج نسافر سوة
.
كللهة حبيبتي بس ارجع وعد مني اجي اخطبج ونتزوج ونسافر وين ماتردين
كلتله طيب حبيبي ما راح اضغط عليك تروح وترجعلي بالسلامه
بس حباب اتصل عليه كل يوم لتخلي بالي يضل عليك
جاوبهة ماشي عمري تدللين .... يله اني لازم اروح حته احظر جنطتي واروح تصبحين علا خير حبي
نور ... تصبح علا خير حياتي
.
.
صار الصبح ومنتظر سافر
.
.
ووره 3 اسابيع .. نور تتصل على منتظر وميجاوب والساعه ب 11 بالليل بتوقيت بغداد
تتصل وميجاوب قلقت ... بس كالت يجوز تعبان ونايم يله الصبح اخابره ودزتله رساله
احبك ابو زعاتيتي
.
.
صارت الساعه ب 11 ونص بنفس اليوم
سمعت صوت عياط بالمنطقه وطلق نار
.
طلعت للبره دتشوف شكو
...
اجه اخوهة (محمد) ... كلتله خير محمد شكو شصاير
.
كللهة نظوري جابو شهيد ....... الله يرحمه جان يدافع عن المراقد بسوريا
تتخيلون نور شسوت
.
ركظت للشارع بدون حجاب ... طلعت شافت تابوت منتظر مغطه بعلم لبيك يا حسين
وكعت يم باب بيتهم وتلطم ... وتصيح ليش عفتني حبيبي
مو كتلي من ارجع اجي اخطبج ونسافر وينك شو ما اجيت ؟
مو كتلي ما اعوفج ابد ... اشو عفتني حبيبي ؟
واستمرت حاله نور وكل ما تتذكر سوالفهن تضل بس تبجي ومتسكت لمن تنام
.
.
.
هاي قصه العصافير (نـــــور و منـــ
تحياتي الكم
رد مع اقتباس
