تعده العيد ياسمره تعده وماتعديتي ******** تعده وجانت اظنوني يرن خلخالج ابيتي
*********
كلت ذاك الجره يمضي تروح الغيظه نتسامح
كلتهه وكلي حنيه تجيني بلهفه نتصارح
كلت نرجع لدار الحب نجدد عهد نتصافح
نتناغه بلطف جلمات
بحنان انكفكف الدمعات
نغني بروضة الاحلام هاذي جانت امنيتي

تعده وفات اول يوم وآنه عيوني مشبوحه
ذليل وهمي واليني ودليلي تنزف اجروحه
اهم بالغير من يجبل واهيس نفسي مذبوحه
اغاضي وارد اتامل
تجيني وشدتي تنفل
لجن غابت شمس يومي وانتي علي ماجيتي

تلج روحي تطالبني واصبرهه عله الثاني
واجه الثاني وانه ملوع عليه هاجت احزاني
كل شاب بسرور العيد وافراحه تعداني
يعايد ربعه واحبابه
وانه نيراني لهابه
تشب حدر الضلع واشعر اتوب تردني حنيتي

تنيت الثالث اوكوه ولو للصبر مابيه
لفاني وحملاني هموم يريته مالفه ليه
حارت دمعتي بعيني وبجيت بحركه مخفيه
حرام احلام عشرتنه
تموت تهون قصتنه
شجان يصير ياحلوه طارش لون وديتي

اريد اعمد واكولنهه والحركه عله شفافي
غافي ولا يحن كلبج غافي عالهجرغافي
تيهني ابحر حزني اخذني وكسر مجذافي
جزاني مركب العشاك
ضحيه صرت للاشواك
ماخذني وهم حدار ماي انتي وتبديتي **** ماي انتي وتبديتي