بسم الله الرحمن الرحيم
طفلةٌ عراقيةٌ..ذهبت ضحية العيارات النارية ..
لكن قبل أن تلفظ أنفاسها الأخيرة تكلمت مع أحدهم...
بلغة كانت أبلغ من الرصاص !!!!!
......................
أرْد اسألك ..بسم أطفال الشعب
ليش نخسر!! من يفوز المنتخب
..إحسبنه مثل اطفالك إحنه
.......انريد نفرح وانذبحنه
ليش نخسر من يفوز المنتخب
,,,,,,,,,,,,,,,,,,,,,,,,,,,,,,,,,,,,,,,
بابا عنده بُنْدُقيّه.......... عمو تشبه بُنْدقيتك
هوّ يرمي بيها داعش وانته ترمي اباب بيتك
هو يكتل بيها مُجرمْ........ونته تكتلني لكيتك
انته متأكد عراقي .........بالله طلّعلي هويتك
...................
بيها.. دمعات البنات
الغرّكن دجله وفرات
وصار شط الحزن موشط العرب
..................
انته من كونك عراقي!!! كون تعرف واجْبكْ
التحقْ للجيش ابونه واحنه صرنه بشاربك
فوضى لاقانون صارم ....لاضمير يحاسبك
يل صرت مثل الدواعش! عاجبك ماعاجبك
..................
منتشي برميّ الرصاص
وباجر تشوف. القصاص
والله شتكلّه على طيور الذهب
..................
ليش فرحة كل عراقي ماتدوم وينحسد
وتمطر الدنيه رصاص!!!! بدل ماتمطر ورد
ونظل نحلم بالأمان.. الراح سكته ومايرد
ياصلاه ترهم علينه. واحنه ناسين الحمد
..................
انريد ضحكه ابلا جرح
انريد..... فيروز الصبح
انريد نفرح من يفوز المنتخب
..............
رد مع اقتباس
المشاركة الأصلية كتبت بواسطة عَـبّـآسًـ آلَمِرنٌكيّ
