قفشات وومضات منوعـة بقلمي ~
بسم الله الرحمن الرحيم
السلام عليكم ورحمة الله وبركاته
أممممم هاي اول مرة أكتب قفشات وكم أبوذية
كلت أجرب هههه .......ياربي تعجبكم
تدري البارحة شلون بسرعة فزيت
دكيت انته اعله كلبي من جنت نايم..
من تمرني بحلم لا تجيب ضيوف
خطارك صعب تشرحله هاي العيون..
من تكتب شعر لا تذكرني بأبيات
القصايد تبجي لو يمر أسمي..
صافن بيك لا تظن يوم أنساك
سواد الليل ما ينسه الگمر خِله..
گلبي محراب وانته بي صليت
كلما تسجد صاح الله أكبر..!
بذات وكلتلي روح الله وياك
صوج الگلب خلاك أنته الوطن بيه..
أسمع يا عراق شما كثرن ذياب
تبقى انته الأسد وراسك يبقى مرفوع..
يالنازح اشكر الله ع الحال
زينب هجروها بليلة ما بيها كفيل..
صعب ألگه بجمالك خانتني العيون
لأن انته الروح واني روحي حلوة ..
من گد ما افكر بيك تعرف شسويت
بورقة امتحاني بقيت بس أكتب أسمك..
"انت تريد وانا اريد والله يفعل ما يريد"
اذا ليش مگضي ايام عمرك بنص الهم..؟!
انت تكول ماكو منك مااكدر انساك
لان كلما امر ابالك اني اخليلك أثر..
حزينة أيامي هاي مثل ايام عاشور
تعال بيوم اترجاك اريد افك حزني..
حسافة بس رحت عنك نسيت
لان طعم الملح وياك ما غزر..
من أشوفه ما اعرف بيه شيصير
أحس توازن الكون كله گبالي يختل..
"أنا أقرب إليكم من حبل الوريد"
سعيد الما ينسى هاي العبارة~
لو حبك ذنب صدكني ما توب
لأن أنته اختياري وهاي هيه
ولو حبك ذنب صدكني راح اختار
ابقى بعذابك واتحمل الأذية..
خل تحچي كل الناس بيك آنه مجنون
وخل البقية تگول لا بس اشاعات
اليصدگ راح أخليه بس يجيب طاريك
ويسوي اسمك شعار ويرفع الرايات..
لا تسأل حبيبي شگد تحبني
آنه حبيتك بگد رحمة الله..
من نوصل سوه لساعات الفراگ
ألبس أسود وأقره الفاتحة عليه..
الحب مو كلمة احبج واني مشتاگ
الحب غيرة وتضحية وأحساس
والمرجلة مو كومة بنات بيك ينعجبن
للأسف هيج المحبة بهالزمن تنقاس..
تحياتي
رد مع اقتباس
المشاركة الأصلية كتبت بواسطة انمار*
