هنا

[فقار الكرخي]

روحي نجمه انباكت بتالي العمر
وكلشي ضاع وباقيه اشوية صبر
دمعة ابن الشيخ ذله
انه اكره كلمن أيدك صدره فارغ
أنه اريدن من صدك يمليلي سله
هاي ناس تريد ضاهر.
كشخة الورده شكلهه
اي صحيح
النعمه مامضمونه أذا يسحكها كافر
وهاي ظلت يمهه اذا رادت تسافر
شويه تاني
هروشي ذبلهه سفركم
وظاله اتاني سواجيكم وأملكم
أي وين رايح نظره العميان ليل
وهي صعبه
الرايد ايحاظن كمر رايدله حيل
وهاي هيه
البينه سويناه واكثر
وهي مدري شلونهه الماعنده راي
ونته تدري النار تبرد من يجي بطاريهه ماي
اي وين انتي
لاتروحي لغير عين
صدكيني عيونهم مليانه ضلمه
وصدكيني كلوبهم مليانه ضلمه
وصدكيني قصورهم مليانه ضلمه
وصدكيني العاند عيون الشمس بعدين يعمه
لاتطيري اي صحيح الجوع ذله
بس ترى الياخذله نجمه وبيهه خله
يعيش فشله
العار موت
وهاي دنيه تريد زلمه منين مصحله جزيره بيهه يتوكل يفوت هذا واقع
كلشي لازم من تريده تمدله صوت
لاتحير الله ماحير محمد
مثل ماصار بامان ولاكه غار هناك
يفتحلك درب بيه تلكه نعمه
شويه اصبر شويه اصبر
الطير لم عود علعود ودار عشه
وسرك بنية عشاير لاتطشه




منقول

[قطرة ندی]

رائعة جدا

[رسـيل_^]

رؤؤؤعه رؤؤؤعه

[زينب الشامي]

جميله جدا

[سمراء من قوم عيسى]

كلام جميل
شكرالك

[علي الشمري]

راقت لي جدا
احسنت

[مشاعر بريئه]

شكرا جزيﻻ

[فقار الكرخي]

نورتو الموضوع .