متخجلون باسم الدين بعتو الدين
من يا مله انتم والمن ترجعون
يالتصلون يالتحكمون
كتلتو الشعب وبدمه تتوضون
كراسيكم اهم من شعب جاي يموت
يتمتو الشعب كل هذا متشوفون
بيت المال عدكم واحنه طكنه العوز
باجر يم علي ابو الحسنين شتحجون شتكولون
جان يجوع ويوكل الفقره زاد
وهسه نجوع احنه وانتو التشبعون
يا فشلة وطن راسم بيكم الأمال
يا خيبتنه بيكم ما تحسون
الي تغير كبل عن هسه شي مو غير
الظالم كبل واحد وهسه مينعدون
اشو يهدى الوضع لو صرتو ايد بإيد
والشوارع تنلغم من انتو تختلفون
يعني مبينه ليش نروح بيها بعيد
العاقل يفتهم يعني انتو التفجرون
ولا واحد ضميره يشوف بينه شصار
نامت كل ضمايركم ولا تصحون
هسه ابراج عدكم فلل وعمارات
غير اعرف بعد من عدنه شتريدون
ولكم داستحو مو خلص صبر الناس
مو طلعتو شيب براس اليرضعون
كتبتو بدمنه اساميكم وصرتو اسياد
وعلينه بيا بخت صرتو تنكلبون
يا شمس التجي تمسح ظلام الليل
وشمس باجر تجي بيها انتو تنمسحون
ببيوت التنك ترضوها امنه تعيش
الدمعة كل عراقية فدوه تروحون
اذا توهمتو بنفسكم وصرتو هسه اكبار
ترى كدام العراق اقزام ومتكبرون
هذا الموضوع برعاية تاكســــــي
رد مع اقتباس
المشاركة الأصلية كتبت بواسطة أوراق شاعر
