هنا

[أنثى حائرة]

السلام عليكم ..اعزائي
بصراحة عندي مشكلة عويصة وماادري شلون اتصرف ومحتاجة رأيكم واكون ممنونة الكم ..
بالبداية اني ابن خالتي قبل5 سنين مصارحني انو هو يحبني ..فآني جنت اتصرف وياه عادي وتقبلت الامر وكولتلة اعاملك كإبن خالة لا اقل ولا اكثر
فهو اقتنع وكالي الة يجي يوم وتحبيني ..طبعا هو كايل لاختي ولأخوية واني محجيت شي وكلت امري لله
وهسة كايل لأمة وخالتي كالت لماما ..والسالفة طشت ببيت جدي ..المشكلة مو هنا المشكلة انو دتطلع دعايات علةابو اني احبة وراح اتزوجة
ونسوان خوالي يكوللي اشكال حجي والمصيبة الاكبر ..بنت خالي بعدهي بالابتدائية ذاكليوم تكولي ايي شوكت تزوجون
بحيث انحرجت كولش وحتة قبل كم يوم جانن خالاتي مجتمعات فآني مردت اروح لاني كولش منحرجة بس اختي جبرتني وكالتلي لا عيب
وهسة الحجي علية حدث ولا حرج وكولساع واحد ذابلة بسمار واني الله الشاهد لا مصارحتة ولاشي حتة من يجي لبيتنا اني ابقة كاعدة بغرفتي
بصرااحة تعبت والحجي اللي دااسمعة مو هين يتعلق بسمعتي واخاف الحجي يوصل لبابا
وهسة اني حاايرة كولش وماادري شسوي ..شلون اتصرف ساعدوني الله يخليكم

[Ćat]

قولي لامك مابيه وهو كذاب لا احبه ولاشي وتنتهي السالفه او مثلا حذريه انك رح توصلي السالفه للوالد ويتصرف معاه فالنهايه ذي سمعه
اتمنى ان تحل مشكلتك الله المستعان

[ميوشة]

احجي ويه امج خل تفتح الموضوع وياه وتفهمه انو انتي متحبي وهو اكيد ميقبل انو سمعتج تصير بالاراضي وانتي لتنطي وجه

[ابابيل]

وعليكم السلام اختي نصيحتي هي
سولفي لأبوك حتى لا يسمع من غير واحد وفهمي بهذا كلامك انو الناس تحجي وياي بزواجي من ابن خالتي
واني ما انطيت اي وعد وهذا كلام قديم وكنت زغيره وما الى ذلك
وترى لتصدكين الكلام مراح يوصل للوالد وراح تخسرين الاسبقية بالتعاطف معاك وخلي الكلام بينك وبينه فقط
و لتكولي اخاف لو استحي هاي مشكلتك صلحي الغلط من اليوم وصيري مره واتحملي النتائج
سواء كنت تريدين ابن خالتك او لا المفروض الوالد يعرف
بنفس الوقت تفهمين ابن خالتك انو ليطش كلام عن زواج او حب او اي شي وهددي اذا طلع مرة ثانية كلام معناها ميهتم لسمعتك
ولتحجيله عن كلامك مع الوالد ....

[أغرد بهمس]

غاليتي اذا كان هو يحبك ليش متنطي فرصة واذا انت معندك اعتراض عليه ليش مترتبطون يعني مابيها شي
بس اذا انت متحبي ومرايدته
لازم تتصرفين وبحكمة ومتخلي القيل والقال تشوه سمعتك ...كلمي والدتك حتى تكلم امه وتوقفه عند حده...او اذا تكدرين كلمي والدك او احد اخوتك
ترة ميقبلون بهالسوالف لانها سوالف شرف
كل التوفيق عمري
ربي يفرج همك ويكشف كربك

[$بسكوته$]

حبيبتي كولي لكل كرايبج انو انتي متردي هيه شنو كوة والاحسن اعلسي للولد خل يتوب ههه تقبلو مروري

[ليديا]

الله يكون بعونك

يبدو انك تاخرتي بحسم امرك

تعاملي مع ابن خالتك اذن كخطيب وابحثي عن الاشياء الجيدة فيه كزوج والامور السيئة بعدها وعلى اساسها اقبلي او ارفضي

اقصد ان قبولك او رفضك سيكون منطقي

اما اتهامك لابن خالتك فلا دليل عليه ربما هو فضح نفسه دون قصد منه ومن كثة ما يريدك

في النهاية اقول لك عبارة انا سمعتها جديدة من احدى البرامج ( ان تتزوجي شخص يحبك ولا تحبينه افضل من ان تتزوجي شخص تحبينه ولا يحبك )

[المالك الحزين]

الله يكون بعونك

يبدو انك تاخرتي بحسم امرك

تعاملي مع ابن خالتك اذن كخطيب وابحثي عن الاشياء الجيدة فيه كزوج والامور السيئة بعدها وعلى اساسها اقبلي او ارفضي

اقصد ان قبولك او رفضك سيكون منطقي

اما اتهامك لابن خالتك فلا دليل عليه ربما هو فضح نفسه دون قصد منه ومن كثة ما يريدك

في النهاية اقول لك عبارة انا سمعتها جديدة من احدى البرامج ( ان تتزوجي شخص يحبك ولا تحبينه افضل من ان تتزوجي شخص تحبينه ولا يحبك )

عين العقل ازوجيه وفضي السالفه

[ESTEKNAN]

اقبلي به وارتبطو ارتباط رسمي
لاتبيعين الي يشتريش
تراه احسن من تشترين واحد يبيعش