علمنه الحزن
بجيت ودمعت عينك على الراح.........يادمعه الترد يفلان ماشين
نشفهن دموعك خاف العيون تعمه.......وماتشوف اليمهه باقين
عليمن تبجي هن اهواي الجروح........وانت لكل جرح ينرادلك عين
عمه يعكوب يوسف واحد الراح........جم يوسف فكدنه واحنه صلفين
شوف اشكد صلافه بهاي الايام ........نضحك من نشوف الناس ميتين
علمنه الحزن نضحك للهموم..........ويمر بينه الفرح دمعة مجانين
يامرخص عمرنه الجاي والراح......شخذنه من الوكت بس تعب السنين
اخذنه الشيب واحنه بلف الكماط .....وتجاعيد الوجه صارت نياشين
رد مع اقتباس
