قصة عشق , شعر شعبي عراقي
قصة عشگ احچيهه ... ويمكم اريد ارويهه
..................................................
قصة عشگ ياهل الناس ... مليانه شوگ واحساس
وبحبه منطيني الكاس ... ذرة دغش مابيهه
..................................................
قصة عشگ للمحبوب ... والگلب بي هم ايذوب
عن حبه ابد لا ماتوب ... والروح اله مخليهه
..................................................
روحي التحبه وتهواه ...... وتلهج تظل ابطرواه
وتشتاك اله وماتنساه ..... ولو ناسيه ايعابيهه
..................................................
اشرح وزيد فد بيت .... بس انه اظن ماوفيت
ابوصف المحب احتاريت ... شو تيهت تاليهه
..................................................
معشوكي اسمه عباس ... غيره وشهامه ونوماس
وبحبه مرفوع الراس ..... حامي الحرم واليهه
.................................................
حقي اذاً بي مفتون ... وبحبه يحتار الكون
كل العمر فدوه يهون ... بيوم الحشر يوفيهه
..................................................
علي الشمري
٢٠١٥/١/٢٧
الساعه ٧:٣٠ مساء
رد مع اقتباس
المشاركة الأصلية كتبت بواسطة Narjess AL_Mossawy
