جنة نحلم,,,
جنة نحلم,,,
جنة وحنة ازغار كل عصرية نلتم,,,
نلبس اجناح الكواغد نركض اوية الغيم حافين وعلينه الليل يلتم,
جنه نحلم,,,
نرسم ابدشداشتنة وردة وتكبر اويه الليل,
ونمرهة الصبح نلكاهة بالفراشه تحلم
جنة من ننجرح نضحك
أه,,,لوندري اشكثر غالي ابكبرنة يصير الدم,,,
جنه نحلم,,,
نبني بيت ابماي
يزعل كل كلبنه اعلة الجرف
لوتلكه بيت الماي بالماي يتهدم,,
جنه نلعب بالرصاص
ونشرب البارود
ماندري اعلة اهلنه ابوحشة الميتين يلتم,,,
جنة شبعانين
ماندري الخبز ياهو اليجيبة
صافي مثل الماي املنة
وبطرك لعب الشوارع
لاجكاير
لاسياسه
لاحبيبه,,,
وبطرك حلم الشوارع
وبطرك لعب الحدايق
يوم صاحبنه الفخاتي
وصارت الشجره حبيبه
<كُـ‘ـُآظُـ‘ـُمُـ‘ـُ أسُـ‘ـُمُـ‘ـُآعُـ‘ـُيُـ ـُلُـ‘ـُ آلُـ‘ـُكُـ‘ـُآطُـ‘ـُعُـ ـُ
رد مع اقتباس
