ولخاطرك رحت أعتذر ..منيت بيهة الخاطرك ..مثل الطفل لمن يمن بحاجتة
وياك أعز ناسي انتهوا وماعدت احس بعازتك ..
ولخاطرك رحت أعتذر ..منيت بيهة الخاطرك ..مثل الطفل لمن يمن بحاجتة
وياك أعز ناسي انتهوا وماعدت احس بعازتك ..
بدربي گلت لو مو سوة .. امشي حياتي بلا درب
يمكن يشح عني الهوة .. ﻻ بس جذب ..
معقولة مانمشي سوة .. معقولة في لحظة الشمس للگاع ماتنطي ضوة
وتنتهي ومانلگة صبح
معقولة يطلعلي جرح ..معقولة ريشة شفتك ترسملي بالضحكة رمح..!
لا موصدك خلينة من هذا الحجي ..بجفوني سولة اعلة البجي ..
او صياد كاعد بالجفن للدمع شايل فالتة ..وياي احسك جن صرت مثل الهلال وهالته
گالولك يعوفك ترة .. تذكر گبل .. كتلي شگلهم
گتلك اي گلهم لمن من يمي تمشي جنازته .. هو انه عايشلك ﻻن دمي الاعز ما بالجسد بس انته تعرف حالة
من مايحس بلمستك يخلص وتبقة وشالتة ..
تذكر كبل من تعتنيلي بلهفتك مشتاگ حته تشوفني .. وتلگاني روحي مشگگة ولمسات ايديك تروفني .. تتركني هسه قررت ينطيك گلبك ننتهي وبس بالاحﻻم تشوفني
تتركني هيج بلا ذنب ..بررلي حتة لو جذب ..
مليت كلي كمت امل ..شيحملة ليلي بوحدتي ..
ماا ينحمل بعدك ترة او جذبت كتلك ينحمل
كتلك لمن تمشي ترة .. تتركني وحدي جن طفل حاير وكل اهله مشوا ..
عايش يتاني الما أجوا كلشي اليمر يفززة حتى الشماته تفززة من يمشي ويهب الهوة يلتفت حسباله حجوا
لكن لمن يتذكرك حتة الشماتة الما بجوا ..من شافوا ادموعة بجوا
هيج اني من عني رحت ..ماتسكت جروحي...ولو دورتك انة بشدتي شفتك وطن حنيت الك
لكن لكيتك غربتي ..احتاريت منهن ياهي اصح ..مابين ذلي او عزتي
اختاريت اعوفك حتى ﻻ تكسر قرارك دمعتي ..
وونيت سكته ماردت يتشمتون بونتي