هنا

[Ćat]

اولا كيف تعطين الرقم حنا وين عايشين ثانيا اترك العمر في شي اسمه عقل -_-" ثالثا سوالف مافيها الا المضره شلك فيها ؟ صغيره كبيره اتركيها واستغفري ربك واهتمي بدراستك احسن

[نـايـا]

علاقتج وي مجرد تسلية
هو رجل متزوج مراح يتخلى عن عائلته
وانتي بنت صغيرة تنسين بمرور الزمن
شوفي حياتج بعيدا عن هذا الطريق افضل لحياة هادئه
اتمنى لك الموفقية عزيزتي

[$بسكوته$]

حبيبتي ماكو شي اسمه حب لو وفاء بعمر المراهقه صيري جبيرة واخذي شهادتج وشتردين سوي وانصحج انسي احسن لانو انتي الي رح تتاذين وهوة ميهمة شي ابدااااا

[فونة]

خيتو هاذة يضحك عليج وانتي المسكينة من كل عقلج..
ماكو واحد يحب صدك بعدين ورة فترة يكلج روحي تزوجي غيري
يعني هاذة شافج مصدكتة وكال خل اضحك عليها...
كبري عقلج ...وعوفي لان السالفة من بدايتها خطأ بخطأ

[Hyakujuu no kaido]

مثل ما كال ابوحسن الاسدي

+

تذكرِ كلامي سوف تعضِ اصابعك ندماً لو استمرتِ بالمستقبل

[Heaven]

مثل منصحوج باقي الاعضاء ..اتركي ..وبعد لاتنطين رقمج ..لاي ولد .. حرام وعيب
واصلا هو متزوج ..ومكون عائله ..يعني يضحك عليج وعلى غيرج ..
تكبرين وتنسين ..

[سجايا]

ادري المتزوج شتحصلين منه ؟؟؟!!!

وتره ماكو واحد يترك عائلته واطفاله ويلجأ لغير وحده ..الا اذا كان الدافع تسليه لا اكثر ....

[Samer]

مرة الثانية من تاخذين رقم .. اطلبي وياه نسخة هوية الاحوال المدنية

[ابابيل]

لو كان فعلا رجل محترم كان
اولا ما خان زوجته وراح ركض يباوع على غيرها وهو بعده باول الزواج
ثانيا ما راح ينطي ارقام لبنات مثل عمرك وهو يعرف بهذا العمر سهل ينخدعن
ثالثا لو كان انسان يحبج ما سبب الج الهاء عن دراستك وبالتالي ممكن يحطم كل حياتك
رابعا كان صارحج من البداية مو بعد ان وصلتي تكشفيه او يمكن بعد ماهو حب ينسحب
ويخليج امام الواقع ويضل يحشش براسج


لو كنت فعلا تحبينه مثل ما تتصورين
المفروض منج تركه لانو متزوج حتى لو كان زواج بدون حب مثل ما فهمج
المفروض تتخلصين من الموبايل نهائيا كردة فعل حقيقية وانقاذ لكرامتج
لانو سبب الج ازمة خصوصا مع اهلج ومع الدراسة وحتى متفكرين تنتظرين منه رسالة او رد


بعدج باول الطريق اطلعي بأقل خسائر باجر تنسين صدكيني
انتي هسه تعيشين بفراغ لذلك هو مسيطر ومتحكم وغايبة عنج الحقيقة
املي الفراغ بالرجوع للدراسة بقوة وتوبي حتى الله يصير سند الج
عندج طاقة للحب عالية عوضيها بالادعية والايات من القران
واهلج همه اوله بيها
صدكيني بشر مشهورين تركوا كل ملاذ الدنيا من قروا القران بخشوع
ما اريد اسويها رسالة دينية بس هاي الحقيقة المجربه وتعتمد عليج
اذا حبيتي تتصرفين بدون ان تاخذي نصيحتنا
انتي حرة
عوفي عقلج وعاطفتج تورطج مرة ثانية لكن لا تطلبين مشورة بعدها

[Oshahien]

ولو انتي 16 سنة بس راح احجي وياج .

شوفي خالة , اذا هو يحبج وانت تحبيه فألله حلل الثانية والثالثة والرابعة ..
يعني على سنة الله ورسوله ما بيها شي ..

بس اذا هو جذاب .. فأنصحك تنسي من هاية اللحظة

وانت بكيفج بعد .. لا تنسين ترة اذا رضيتي بالهم .. الهم ما راح يرضى بيج خليها ترجية بأذنج ... وبالتوفيق