صَعبْ تكتبْ ~
صَعبْ تِكتبْ و الدَمعْ بِالعينِ يجولْ
وصَعبْ تِكتبْ للما يقبَلْ يسمْعَك
سَويتْ منْ الحِضنْ بِير دموُع
يغرفْ ليلي مِنه من أذكرْ أسمَك
بِعيونَك كُبَرْ حِلمي اليَتِيمْ
وهَسه تكولْ ,, صَعبْ أرجَعْلَك
صَعبْ تِكتبْ والوَرقْ مَجروح
ينزفْ كِلما كِتَبتْ ,, أبتِعدْ عَنك
آني بِدون حَبل وِصالك أضِيعْ
يشهَكـَ كَلبي شَهكَة مُوتْ لو تركتَك
أحضنْ بِالصور والحِيطان تِبْجي وياي
يبّجي الصَخَرْ حالي ,, ما يحنْ كَلبك؟
خَليتَك بسما عِينْي نَجمة ما تمْرها شَمس
وقُبطان اعله كَلبي ابحرِ العِشكـَ
شتدري انته نايمْ ليلك ومِرتاح
وآنه كَلبي مَيتْ منْ صدكـَ
ما باقي بَس جَسَدْ بلاية رُوح
ما باقي بَس طِيفْ يعاتبْ ابوجهَك
آه وشكَد صَعبْ منْ تمرني بحلمْ
ويصفَعني جَفْ الصُبح لأنْ شِفتَك
تريد تروح,,؟ ما امنعك الله وياك
هو النور بكيف الشمعة من يطفه.؟؟؟!!!!
بقلم/ي
تحياتي
رد مع اقتباس
المشاركة الأصلية كتبت بواسطة joliet
