هنا

[Midnight Poison]

شكرا

[Samer]

مثل ما كال عمار .. اني مثبت الصورة مال المواضيع بحيث تطلع ايقونة (درر العراق) .. و هذا ضروري علمود يشتغل زر الـ Like بصورة صحيحة لان زر الـ لايك لازم تكون جوة ايده صورة رئسا يختارها لان هي مجرد ضغطة من المعجب.

ممكن اعدل المسألة .. بحيث اخللي الصورة بكل موضوع هي اول صورة بالموضوع بنص الموضوع أو ممكن تكون الصورة الرمزية للعضو صاحب الموضوع .. و إذا ماكو تصير الايقونة مال درر العراق

بس .. إذا اول صورة مثلا جانت (السلام عليكم) مزخرفة .. ما راح اعرف بالبرمجة شنو محتوى الصورة اني راح اشوفها صورة و خلص و راح تصير هي صورة الموضوع بالفيس بوك ..

اختاروا .. منو احسن ؟

الصورة الرمزية للعضو صاحب الموضوع
اول صورة بالموضوع ؟
ايقونة درر العراق الثابتة ؟

[Ammar]

درر العراق تكون افضل اكيد من الناحية العملية

[Midnight Poison]

الصوره الرمزيه
لان من المفروض صوره تجذب المتصفح وهو اكيد من راح يفتح الرابط راح يدخل ع المنتدى وراح يعرف شنو اسمها


او اول صوره بالموضوع وبامكان المشرف فما فوق يغيرها لان افضل اذا كان كل موضوع يحتوي على صوره توضيحيه
ومن تنشرها تجذب أكثر المتصفح

بس اذا صعبه عليك فالصوره الرمزيه افضل

[Samer]

ماكو شي صعب علي (شوف الغرور خخخ) .بس المشكلة .. انه المعلومات اللي راح اضيفها للفيس بوك (اللي يسميها الـ open graph) تشتغل على كل من زر الـ Like (و كذلك نموذج التعليقات إذا تم استخدامه) .. و زر المشاركة (اللي تستخدميه انتي بالصفحة مال درر العراق) .. ومن زائر يسوي لايك لصفحة بدرر العراق .. راح يتم نشر الرابط على ملفه الشخصي و يطلع بالـ homes مال اصدقائه .. فمن راح يطلع كون اكو صورة تدلل منين جاي هذا الرابط بحيث يثبت الاسم ببالة (اقصد اسم درر العراق) .. إذا ملاحظة اسلوب الصور دائما يتم استخدامه بالاعلانات مال الصفحات (مثلا خبر عاجل إلخ)


أما الصورة الرمزية للعضو .. إطلاقا ما بيها فايدة لا على محتوى الموضوع (اللي تم مشاركته او الاعجاب بيه) .. و لا على الموقع ، والصورة الاولى مو شرط تعبر عن ماهية الموضوع لان ممكن تكون زخرفة وطبعا ما تحقق هدف الاعلان عن درر العراق .. اوف ما ادري .. شوفي .. زر الاعجاب اهم بهواي من المشاركة .. لان زر الاعجاب واسع النطاق بكل معنى الكلمة ونظريا يشتغل على كل الوطن العربي زز .. بينما المشاركة بالصفحة راح تطلع بس للمعجبين بصفحة درر العراق اللي عددهم حوالي الف وكسر ..

مو شرط الشخص اللي راح يشوف الرابط.. راح يدخل عليه (ويشوف اسم المنتدى) .. ممكن جدا انه ما يدخل بس يشوف الصورة ، بس هو بمجرد ما شاف الصورة راح يعرف اكو موقع اسمه (درر العراق) و ممكن جدا إذا تعرض مرة ثانية لنفس الموقف راح يحاول يدخل يشوف شنو هذا الموقع .. وهذا الشي ما متحقق إذا خلينا صورة رمزية او صورة عشوائية

ها شكلتي عااا

[Midnight Poison]

ماريد عمي بطلت
ظلمتها عليه
خليه هيج مراح تخرب البصره ولا اني راح اموت

خليها ع درر العراق ولا تزعل روحك

[Samer]

ههههههههههههههههههههههههه ههه .. شو جنج زعلتي ... صدك جذب احرك الجو تر عااااااااا

باعي .. انطيني مجال خللي ادرس المسألة زين .. و اشوف المواقع العالمية شمسوية اوكي ؟

[Midnight Poison]

ماشي
وحتلو ماصار مو مشكله مازعلانه
لا تهتم ورده

[ذكريات رجل]

السلام عليكم اخي سامر بصراحه تعبت فدوه اروحلك كيف افعل هذا الشي من انزل موضوع للفيس تطلع معلومات منتداي