بس انه مثل النهر··من ابجي مابين!!
تذكرتك وغمضت··
ولميت كلشي جنح··
واستغربت من شفت··حضن السمه الخالي!!
تﻻكينه وشكد ورد··ظل مستحي أبالي!!
وفزيت واتلفتت···بس انه وأخيالي!!
اي يلخدودك شته··وبعيونك شكد سمه!!
ومثل الجرف تستحي··وبحجايتك ليين!!
أعذرني ماجلبت·····!!!
بس انه مثل النهر··من ابجي مابين!!
تشتاكلي من مطر···!! واشتاكلك من سعف!!
وعالشاطي من نعست··دليتني اعله الكهف!!
وذنوبنه ال برمل ضمتهن الغيمه!!
ومن هب علينه الكمر سويتلك خيمه!!
وبستك الحد الهوى···
أتبدينه وانه صحت··بالظلمه هنيالي·!!
وفزيت واتلفتت··بس انه وأخيالي··!!
هو انت كلش صبح··وزندك وﻻية كطن!!
وسوالف بالهوه··
جناحاتهن من ضوه··
وبردت الدنيا وغصن شابك غصن··
والنهر معقوله مايلتفت للعينهه أتﻻلي··
معقوله اصبعك بعد مايفكد أهﻻلي··
هو انه صح مامتت··بس انت جتالي···!!
رد مع اقتباس
