كافي إبيت اهلنه تبات الاحزان
كافي إبيت اهلنه تبات الاحزان
ونعيل الجفه ونبري الميازين
مانقبل رمشنه يبجي الجفون
ولانرضى سكفنه يميل مرتين
فصل مستحانه ثياب الايام
اشو ذبحو عمرنه اباب السنين
مشينه بلا درب عالنار حفاي
ومن هم العلينه جبالنه تلين
واذا طعنو نهرنه يصيح مرتاح
خاطر مايفت كلب البساتين
غرك صوت الضمير بروجة الخوف
وياركبه التلاوي ذراع سجين
يلبكل شدة جانت دول تنخاك
شعجب لمن صحتهم غمضو العين
جفك ياوطن سجاده للضيف
وتهوي لدلتك روس الفناجين
كبل ماذل عزيز وطاح العكال
ولانامت زلم بركابهم دين
خلهه شماتطول الدايره تدور
يجي يوم ونرد الصاع صاعين
ولاتغسل زعلتي بمي الوعود
اذا يبرد دماي يفور بعدين
واذا تمطر صدك لتجذب الغيم
على كاع الحقيقه مبين الطين
منقوووووووووول
رد مع اقتباس
