هنا

[أغرد بهمس]

السلام عليكم
اقدم لكم شرح كيفيه اعداد النانو ستيشن وكيفيه الربط مع المركز الي نريد نسحب منه الخط
هسه رح اشرحلكم شلون نقوم بعمل الاعدادات لكي نستلم الانترنيت من صاحب المركز
طبعا اكيد الكل يعرف شكلها
اول شئ نقوم بربط الكيبل بالنانو ستيشن ونوجهها للمركز الي نريد نستلم منه الاشاره
وينزل الكيبل الى الشخاطه او المحولة الي تعطي كهرباء للنانو
طبعا بيها فتحتين الشخاطه والكيبل النازل من النانو ستشين نقوم بوضعه في فتحه ال POE
ويخرج كيبل اخر من الفتحه الاخرى الي هي LAN ويدخل بالحاسبه مالتنا
او شئ نروح نفتح My computer
ونروح على النيتوورك



وبعدها نروح على نيتورك اند شيرنك سنتر




وبعدها نروح على جانج ادبتر سيتنك



وبعدها نروح على شبكه اللان كرد الي ربطنا بيها الكيبل ونضغط عليه كلك يمين ونختار بروبرتيز



وبعدها نروح على الايبي مثل الشرح بالصوره ونختار بروبرتيز



وبعدها نمشي ع الشرح بالصوره وبالتسلسل ونقوم بادخال الايبيات ونضغط اوكي



بعدها نسد النيتورك ونروح على المتصفح اني رح استعمل الفاير فوكس للتصفح
ونكتب بخانه الادريس ايبي الدخول للنانو
والي هو
192.168.1.20

ونضغط انتر لتحميل الايبي



رح يطلب من عدنا اسم وباسورد وهو كالتالي
الاسم والباسورد هو نفسه
ubnt
نضعهم بالخانتين



رح تنفتح النا الاعدادات ونروح على اخر اختيار حتى نبدل الباسورد الخاص بالنانو حتى لحد يدخل عليها الي هو السستم ومن هناك نضع الباسورد القديم الي هو ubnt
ونضع بمكانه اي باسورد جديد احنا نختاره
ونضغط change



وبعدها نضغط على apply لتاكيد التغييرات الي سويناها ورح يحمل لثواني



بعدها نروح على ادفانز



وهناك تكون النانو على وضع الافقي



نضعها على وضع العامودي



وبعدها بالاسفل نضغط على جانج وبعدها apply للتاكيد




وهمين رح يحمل كم ثانيه ويرجع

بعدها نروح على اختيار الي Link setup



ونضغط على select لاختيار المركز الي نريد نكنك وياه



رح تطلع النا قائمه جديدة بيها عده مراكز انترنيت نضغط على scan
وبعدها نختار اسم المركز الي نريك نكنك وياه واني سويتها بالتسلسل
وبعدها نضغط select مثل الشرح بالصوره

* طبعا كل ماتكون الاشاره اقل بالسالب يعني افضل
مثل -77
هي مو زينه والافضل منها مثلا -60
وكلما تكون اقل يعني تكون توجيه النانو على المركز صحيح وافضل



وبعدها بالاسفل نضغط على change



وبعدها apply للتاكيد وننتظر ثواني



بعدها نروح لل main
حتى نشوف الاشاره



هنا رح نشوف قوه الاشاره بالالوان



اذا للنهايه يعني اخر مربعين الزرك موجودين يعني الاشاره كلش قويه
هسه يمي اخر مربع غير موجود لان الاشاره مو قويه يمي
ولازم شويه احرك النانو باتجاه المركز بالمضبوط حتى تكون الاشاره اقوى
بس هسه مناسب مابيها مشكله
وبعدها نروح نرجع للايبيات الي وضعناها ونوخرها لان بعد منحتاجها من النيتوورك


ونضغط اوكي وهذا هو
هسه احنا متصلين بالمركز الي نريد نشترك من عنده
تبقى طريقه الاتصال وهي المستعمله غالبا وهي البرود باند اكيد تعرفوها

حاولت ارفق صور لكن النت كولش ضعيف من البارحه ...ان شاء الله اعدل الموضوع وارفق الصور قريبا....
الى الان الموضوع غير متكامل فمراح اشارك بالمسابقه الى ان اعدل عليه

لكم كل الود:100ك

[حٍــ‏ـمہـآمہ آلــسہـلُآم]

شرح مفصل اختي الكريمة بارك الله فيك وجزاك الجنة
متألق ومبدع بما تنشر
اتمنى لك المزيد من النجاح والتوفيق
تحياتي لكم
يستحق التثبيت الشرح مفصل ويحتاج للصورة ويتم ارفاق ذلك ان شاء الله

[إدريس]

شكراً جزيلاً ان شاء الله موفقه
شرح مفصل احسنتي

[Suzana]

عاشت ايدج حبي بانتظار الصور وبالتوفيق

[أغرد بهمس]

شرح مفصل اختي الكريمة بارك الله فيك وجزاك الجنة
متألق ومبدع بما تنشر
اتمنى لك المزيد من النجاح والتوفيق
تحياتي لكم
يستحق التثبيت الشرح مفصل ويحتاج للصورة ويتم ارفاق ذلك ان شاء الله

شكرا لك اخي
بالفعل محتاج توضيح بالصور فتحت من اللاب. لكن مدتحمل ان شاء الله سيرفق بالصور

[أغرد بهمس]

شكراً جزيلاً ان شاء الله موفقه
شرح مفصل احسنتي

احسن الله لكم
ممنونة

[سجايا]

كلش مهم هالموضوع ...فعلا عاشت ايدج

ونوت زغيرونه....ممكن تكتبين المصطلحات بالانگلش... لان بالنانو يحتاجوها ...بانتظار الصور ...تسلمين والف شكر

[أغرد بهمس]

هو اني مسويته ع شكل وورد بس مااعرف ارفعه للمنتدى
والنت ضعيف
والاكل شي جاهز ع الوورد ياريت في طريقة ارفعها بيه
شكرا لمرورك غاليتي
والمصطلحات توضحها الصور

[علي الشمري]

عاشت الايادي
شرح مفيد وسهل جدا
تقييمي +

[أغرد بهمس]

شكرا لك
وايدك العايشة
ممنونة^_^