بعد ماعلمتني هواي دنياي..
بعد ماعلمتني هواي دنياي..
وجه ما انطي للماعنده ملگه..
من هدو شماته الفزعت اوياي..
هظيمة وماشفت من خوتي درگه..
نعم كل الطيور اجناحهم ريش..
بس للصگر هيبة وصوت طبگه..
طب اعله النهر بس كون سابوح..
الغشيم الگطرة يشرگ بيهة شرگه..
تره الفاگد حضن ميشبعه تموز..
وﻻ كل شبگه عنده يحسهة شبگه..
فرق لمن سماك امحمله اغيوم..
نيتك صافيه اتحس بيهة زرگه..
تره اليشتاگلك ميضم الچفوف..
تضوگ ابچفه من ايمدهة حرگه..
عكس الماله واهس من يﻻگيك..
إذا صبحية تلگه ابوجهة خنگه..
التريده يكون يمك مايمر بيك..
غيره الماتريده يصير لزگه..
بالديوان اكو اليغسل فناجين..
وتلگه الفارس البچتافه تفگه..
اكو امعدل يجيب الحگ إذا ضاع..
جريمة اتقيسه ويه الفاهي حلگه..
مرات الجگارة اتعادل انسان..
إذا مسجون من اتمرله شهگه..
يمر بيت بقصيدة يذكرك بناس..
تگول الله صوتك چنه صفگه..
إذا غثيت شاعر ينحسب ثار..
القصيدة العنده ياخذ بيهة حگه..
علي السامرائي
رد مع اقتباس
