وين ما تمشي مصايب
ووين ما توكف مصايب
مو بلد كلك طلايب
من حرب نمشي لحرب
وكل حزب يكتل حزب
ويوم لحية ويوم شارب
واحنه ضعنه ابين حانة وبين مانة
ومره اموت ومره احارب
مو بلد .............
للدمع موجود سوك
والشرف واكف يبوك
وللحزن طلعت كصايب
باوع وشوف العجايب
ترتفع يومية رايه
هي تصعد واحنه ننزل
الف بايه
ويتبع القرصان اسطول المراكب
يبجي منهم
ويضحك الهم
يا شعب مثلك يخايب
عايش بخيرك عدوك وانت وجهك دوم شاحب
ليش بس انته الك عشرة مذاهب
وليش عيدك يختلف وهلاله غايب
ابنك وبنتك غنائم وانت نايم
منتظر رحمة اجانب
اصحه ما مليت نومك
واصعد تريدك نجومك
ليش عرشك عفته فارغ عالكواكب
ليش واوية وعتاوي تثير خوفك
يا محارب
ليش خليت الغنم تنطيك درسك
وانت استاد المشارق والمغارب
ليش يا ليث الليوث وليش يا ملك الملوك
تلسعك سياط المهانة وما تجاوب
ليش صعبت هاي من دون المصاعب
ليش وشكم ليش اكول
والقهر صاير سيول
والدمع بالجرح ذايب
بتاريخ اليوم
رد مع اقتباس
