مر بينه اوخذاك الموت وتعده
ياموت اعلى هونك سيفك شحده
احباب اوكعدنه اوكلنه ملتمين
طبيت اوخذته اوخربت الكعده
تطب دومك غفل يمفرك الاحباب
وتخلي الناس كلمن دمعته ابخده
شاهر سيفك اوتفجع بالولايات
ولا فديوم سيفك بايت بغمده
وياموت على كيفك تدري بينه اضعاف
لوماتنه واحد حيلنه ايهده
وياموت البشر من عاطفة اواحساس
من دم ولحم مو من صخر كبده
ولو ماتنه ميت مو سهل ننساه
تذوب ارواحنه وتتكطع الفكده
والراحل تركله بكل كلب بصمات
بذر بذرة محبه وشجرته امورده
سواليفه تدور بكل ركن بالبيت
وحنيته تداوي الجرح وتشده
ياسلوة هلك ماظن لينه اتعود
واظن مهرك خذاك ومابعد رده
وضلينه نتاني امجذبين الصار
اوئيسنه صدك من طالت المده
والدفان راجع وحده بنص الليل
وصعبه على الدفان من يرجع بوحده
اتقدم باسمي وباسم اعضاء المنتدى الكرام الى الاختاريج البغدادي بأصدق التعازي
بوفاة اختها نتيجة حريق مؤسف يارب يسكنها فسيح جناته ويعطي اهلها الصبر والسلوان
وانا لله وانا اليه راجعون
الفاتحة على روح المرحومة
رد مع اقتباس
المشاركة الأصلية كتبت بواسطة أوراق شاعر
