ابوذيات وقصيدة وومضة بمناسبة استشهاد فاطمة الزهراء (ع)
بمناسبة استشهاد فاطمة الزهراء (ع)
قصيدة

نعزي العالم الاسلامي جميعا وبالخصوص شيعة امير المؤمنين
بمناسبة ذكرى شهادة الحوراء الانسيه الصديقه فاطمة الزهراء

سلام الله عليها ونقدم هذه الابيات المتواضعه من وحي الذكرى الاليمه
سائلين المولى القبول
في ذكرى شهادة الحوراء الانسيه

آه من لوعة مصابچ يابتول
شرد اوصفه اويا كلام اللي اگول
شرد اوصفه اوتاه ويّا ه الوصف
اشلون مانوصف نحير ونختلف
ندري بمصابچ عظيم اشگد كلف
كلف حيل وماتدركه اهل العقول
آه من لوعة مصابچ يابتول
شرد اوصفه اويا كلام اللي اگول
كلف حيل امصابچ وماله مثیل
والغصب حقچ تمادى ابلا دليل
اشلون تورث بت نبيهم مستحيل
وهمه صارو اعرف ابكل الاصول
آه من لوعة مصابچ يابتول
..............................
ابوذيات
عليه ألصار ما صاير ولا دار
ولا حيدر رعوا حقه ولا دار
يدمعي شما تريد در ولا دار
على ألزهره ومصيبته الرزية
...........................................
المصايب والحزن صارن سملهه
وهي ألما لبست فضه سملهه
يا وسفه بحچي دسوا سملهه
ولــن نار ألعده تسعر سريه
...........................................
مـا يوم الدهر بشــر وسره
بحبال الحقــد شـــده وسره
هظيمة الناس جهلته وسره
وهم يدرون بت سيد ألبريه
...........................................
ليش الفرح بالدنية ما تمله
وملاك ألسمه نصبت ما تمله
وهي فگدك يوالده ما تمله
تنوح وتنتحب صبح ومسيه
..........................
ومضة
على حيدر مو عجب من يقلع الباب
ولا أضنهه العجيبة المرحب ايشطره
حيدر من يريد ايشــــــــــيل الجبال
بس شلون شال مصيبة الزهره !!
منقول