هنا

[ارجع يازمان]

وبروحي كلام ايصفن الناس
واسمك يا حبيبِ اول كلامي!

يا طيف البقه وبعيوني ينباس
ياصفنه ابرسم صورة غرامي

فاركنه الزمان وشَيب الراس
وانه ابروحي محتار ابمرامي!

شايلَك عشك ماظنه ينقاس
وبكل لهفه وارسلك سلامي
حسين الساعدي

[ارجع يازمان]

طبعك جرح بالكلب
بس الجرح يا جرح!

ياذيني كلش صعب
واشكد يون ويلح!

شاهرني وبكل درب
سواني فرجه الوكح

كالولي كلبك يحب
بس المحب ما يصح!

كتلهم ابلا ذنب
خلاني هيج انفضح!

والكلب هو السبب
ويه اليجرحه سمح

راواني كل التعب
من الضهر للصبح

ياناس اسمعو العجب
ذابحني جرحي ذبح

يلعب عليه لعب
لوما أرشه ابملح!
ااالساعدي

[ارجع يازمان]

روحي ما مرتاحه مَدري اشبيها!
دايخه إوصار الدوه ايأذيها!

غَيمت حيل وتلملم بالجروح
واالله وَحده اليعلم ابتاليها!
روحي ما مرتاحه مدري اشبيها!
الساعدي

[ارجع يازمان]

جَبر الخواطر أجر
ما تجبر الخاطر!

ليوين أضل أنتظر
يل بعدك امهاجر

كالولي عشك الزغر
وسط الكلب حافر

بس انته ما تفتكر
حُبك أظَن عابر!

وكالولي باجر تمر
وتمتع الناظر

بِلشمس ضليت اجر
هلبت يجي باجر

مشتاك وأدري القدر
مو ويه اليناطر

مشتاك أشمك عطر
وبجية امسافر

مشتاك ويه الكمر
وكبالك امساهر

وَكتبلك أجمل شعر
من صفنة الشاعر
الساعدي

[ارجع يازمان]

شنو

[ارجع يازمان]

عمان ابكبرها اتروحلك فدوه!
حسين الساعدي
::::


يا غيرة وطنه وغيرتك حلوه
وعمان ابكبرها اتروحلك فدوه


طيار احترك والداعش الحراك!
وكَبوها القيامه وصارت البلوه!


ماشافوا وطنه المشتعل بالنار
يوميه وشعبنه ابناره يجَوه!


ما كالوا علينه انموت بالالاف
ويا دم العراقي الكلشي مايسوه!


خليهم اشما طبلوا ويطبلون
وبغير الولايه الدنيا مو حلوه!


ياغيرة جنوبي ابغيرة العباس
وياكاع الكرامه ابدمنه تتروه!


ياهيبة اهلنه الما تطخ الراس
مروان السواعد كلك امروه
مروان العراقي كلك امروه
االساعدي

[ارجع يازمان]

انته وين وأنه وين!
ياضحكتك
وصلت الحلك الشماته
وياصفنتي
الرخصت دمعي ابغلاته!
والفرق بين الاثنين
انته المضحي ابدمعتي
وانه المضحي ابحياته!
وضيعت كل السنين
وانته وين وانه وين؟
حسين الساعدي

[مريم الحبيبه]

[مريم الحبيبه]

[ارجع يازمان]

هاكثر محتامه روحي الشوفتك!
ومادريت ابجيتك صارت حلم!!


وكلبي يلجمني امنعاين صورتك!
وما حسبت اشكثر باليوم ألجم!
االساعدي